CDM tuah cu Cozah pakhat riantuan kholo in a awlawkchong sehlaw a rawkralmi ram “failed state” si ding khi hmuitinh asi.

CDM tuah cu Cozah pakhat riantuan kholo in a awlawkchong sehlaw a rawkralmi ram “failed state” si ding khi hmuitinh asi. Cozah riantuan lawng siloin mipi zong CDM ah kan itel ve tiin ruah a haumi asi. Tuanvo a la kholomi Cozah, a tawlrel kholomi Cozah, mipi a thihruai kholomi Cozah cu a mual pho cikcek seh ti khi saduhthah asi.

Chawleh chawhrawl (economy) a tla; thilman van a tawng, phaisa man a tum, khuasak tintuk eidin phazalo in mipi kan harsa hringhran ko lai. Mah cucu rak itimhmi cu asi ko. CDM kan tuah hnawhchan kan hlawhtling tinak asi. Kan zai le kan vuivai than lila ahcun a poi ngaingai lai. Zeidah kan tuah timi hi kan ifian ngaingai le tuak ngaingai a hau pah.

Kan dohthlennak ah teinak kan hmu dengmang cang tinak muithlam asi. Dohthlennak cu a man a faaktuk ti kan hngalh dih ciomi asi. Thlennak cu pei kan duh fawn cu. Kan lung dong sawh hin hlah seh.Crd-Ram Tinthei

Ramkhel Mit Le Upadi.2015 lio ah Phunhngak Upadi tiah zapi theihmi upadi pa 4 an rak ser. Cu chung ah nupi pakhat va pakhat lawng ngeih khawh timi upadi aa tel. Cu upadi an ser hnawhchannak cu phungpil in nupi pa 4 tiang a ngei kho mi Muslim pawl khenkhamnak ca a si. Rakhine ram ah Muslim milu an karh ning khuaruahhar lei a si ti a si. Rakhine miphun ngeihmi khua zong tampi an pawnchuah khawh hna. Milu in ram an nor kan ti lai cu. Milu karhnak in hmunhma laak a rak fawi ngaite ti khawh a si.

Nain phunhngak upadi an sermi cu an hmuitinh a kheng lo ti khawh a si. Nupi pakhat va pakhat ngeih lawng a ngah ti a si ca buainak a tong bik pawl cu KAWL lila an si hoi. Khenkham an timhmi Muslim pawl cu hi upadi ruangah harnak an i pe lo. A thei lo bantuk in an um huar men.

Kawl pawl bel taza an i cuai lelek. Thawng ah an i khumh lelek. Ramkhel mit in midang miphun (biaknak) khenkham duh ca upadi an ser nain anmah (Kawl) lila harnak a tongtu bik ah an i chuah ti khawh si.

Khrihfa cu nupi pakhat va pakhat ngeih phun a kalpi kan si le buai awk a um lo.(Lai nunphung bel ah nupi pa 4 tiang hna an rak ngei kho ve. Khrihfa kan luh hnu kan thlau cang..Crd-Salai Thawngpi/Ramthlo