CDF-Zotung ralkap pakhat a simi Thein Lwin cu Matupi peng chung kahdohnak ralram hmun khat ah a nunnak a liam, tiah CDF-Zotung nih theihternak an tuah.
Dohthlennak ah nunnak tiang a pemi Theih Lwin cu CDF-Zotung nih upat peknak an ngeih i, taantakmi chungkhar an ngaihchiatpi hnanak kong zong an langhter.
February 4 ah khan Zotung hmunram Tingsi khua le Tawlan khua karlak kahdohnak a chuak i SAC ralhrang 10 an thi, 5 hliam an pu, tiah CDF-Zotung nih thawng an rak chuah.
Cu lio ah cun SAC ralhrang nih khuami minung 10 cu ralkhamnak phaw ah an i hruaih hna i, atu tiang an sining theih a si lo.The chinjourna
Thawngpang Dang .Myaing, Yetarshi Le Okhpu Kahdohnak Ah SAC Ralkap 4 Le Pyusawhti 1 An Thi.Magway ramṭhen, Myaing peng Kaingtawma palik sakhan in a kirmi SAC ralkap pawl cu, February ni 7 zanlei sml 2:00PM hrawng ah Kwekone le Wetpauk khua kar ah bomb in kan puahhnawh hna caah SAC ralkap 2 an thi i, 3 hliamhma fak ngai an pu, tiah Lieutenant La Kyia nih a chim.
Cu kahdohnak ah Myaing PDF Battalion 1, Barmahti Force, Zarmani Force le Hnin Kwe PDF hna i bawm in an kah hna, tiah theih a si.
Cu ṭhiamṭhiam in Bago ramṭhen, Yetarshi peng ah rallam a sialmi SAC ralkap pawl cu February ni 6 zan sml 7:00PM hrawng ah Sipaing khua lei an kal lioah bomb in kan puahhnawh hna i SAC ralkap 2 an thi, 2 hliamhma fak ngai an pu, tiah Bago Region PDF in ṭuanvo ngeitu nih a chim.
Cu kahdohnak ah Taungngu PDF Battalion 3501, Companny 4 nih Nan Htaik Aung min in kahdohnak an tuahmi a si. Pehtlai in kahdohnak a chuak kho ṭhanmi a si caah mizapi umkal i ralrin ding in Bago Region PDF nih theihternak an tuah, tiah theih a si.
Cu pin ah Bago ramṭhen, Tharyarwaddy pengkomh Okhpu (အုတ်ဖို) peng Kyuaiphyuma (ကျွဲဖြူမ) khuami pyusawhti hruaitu Than Chaung cu February ni 7 zanlei sml 2:30PM ah thah a tong, tiah Bago Region PDF in ṭuanvo ngeitu nih a chim.
SAC kuttang pyusawhti Than Chaung cu, tangka in lente i celhnak a tuah pin ah ngunkhuai zong a khawlh hna. Tualchung mi zong a phunphun in a hrem hna i harnak a pek hna leng ah PDF an cawlcangh ning zong SAC ralkap sin ah thawng a pek tawn hna caah thah a tong, tiah theih a si.The Chin Post
Leave a Reply