CDF Zotung Le ZOA (Supreme Council) Buainak Ka Hmuh Ning

CDF Zotung an dirh kaa ahcun Supreme Council (ZOA Zotung Organization Of America le Ramdang um mi hna) nih an hruai hna. Tlawmpal an kal ah Phaisa tampi a ngeih. Methal tha tha an cawk hna.

Supreme phu Policy le mumal / Dundan nih A hmunum mi CDF Zotung abuai bai tuk cang hna. Tcnk; Raltuk duh ahcun Supreme ah chimh hmasa. An hnatlak hnu ah raldoh ding tbk tiang Supreme Policy ah aum. Ahmun um mi le CDF Zotung nih Policy remh ding an ti tikah an remh piak duh hna lo. Ralbawi Lianbik pa zong Supreme nih an phuah. Bu hnih ah i then ding in an um cang.

Zotung Chin Miphun nih Upa lung fim 4-5 an thimh hna. Remh chun tu Committee an tuah. Supreme nih Policy kan remh dih lai i hmunkhat kan um lai tiah an hna atla. Cu hnu ah Zotung Conference an auh i Bukhat ah an fek ter than. Zotung miphun vilate a huap mi Conference nih hruaitu thar le Ralbawi thar zong an thimh than hna. Hmunkhat ah an fonh hna.

Supreme President cu vote a sung caah aduh ti lo, kan i fonh than khawh lai lo ati than. Meithal an cawk cia mi vialte zong a lak ter than dih hna. Cucu Supreme member tlawmte nih a hnu an zulh. Remhchun tu Committee nih Zotung Conference baichahnak nan zulh lo ah cun Tuanbia tazakhan nan si lai tiah an ti hna caah, meithal an lak mi cu CDF Zotung an pek than hna.

Nain Ramsi (Gangaw pawng um) CDF minung tlawm te lawng Supreme hnu zulh mi ansi. Cu ka ah a um mi meithal 4-5 cu an pek duh ti hna lo. CDF Zotung min in an cawlcang. CDF Zotung Bahu lei nawl an zulh tilo. Cucaah, pinpang kan suk sual lai tiah CDF Zotung nih Zotung Conference biachah ning in Ramsi um mi Meithal 4-5 hi an va lak than tu asi.

Zotung Conference nih ahrin mi CDF Zotung kha CJDC nih an cohlan. Supreme tu cu CJDC nih an cohlan hna lo hi thla 4-5 asi cang. CDF Zotung tu hi Supreme nakin zumh deuh ko uh. Supreme hi ZRA le MDF bang in a chuak khawh mi an si ti zong philh lo ding.Crd-Zingtincuai Cinzah

Be the first to comment

Leave a Reply

Your email address will not be published.


*