CDF Nungak pakhat

Hi dohthlen nak ah ka tel hi mino sin ah um ka duh zong a si lo.
Nu le pa kut in chuah ka duh ruang zong a si loh.Nuamhnak duh in a lut mi zong ka si loh.

Lenglang zoh dawh nak men a duh i a lut mi sin ah ka tel loh.Fial chom in a lut mi ka si loh.Nu le pa nih duh lo buin le sianglo bu in le thlohnak za kip a pah chih in a lut mi ka si.

Hawile bang chungkhar ser i dawtmi hna he um a duh ve mi nu ka si ko buin kan ram sining ruang ah nuamh nak zakip a kal tak mi nu ka si.Hi dohthlen nak ka luhruang ah cheukhat cu an ka hrial an ka tthen nain kha cu a poi ah ka chia lo ka thazaang tthawn khun nak tu an si.

Hi dohthlen nak hi kan hoi tei khoh lo zong ah kai lungsak ko lai.Ka chan lio i ka thazaang ka thawn lio i mah dohthlen nak ah ka rak tel ve ka Ram pinih a ka herh mi nu ka si mi hi a zei vialte nak in kai uang pimi cu a si.

Nu vial te nak in hi doh thlen nak ruang i mizoh nak ah ka min va chia ko hmanh seh law kai lungsak i ka inn khawh ko LaiRam pi caah cun.

kei cu ka timh mi le ka ttanh mi hi ka theih ka fiang Cu caah zei thil tlung aikun ka tuar lai ka hne khawh dih ka Lairam pi caah!!!

Nunnak pakhat telawng ka ngeih mi hmanh LaiRam pi caah a thap ngam mi nu ka si.By-Mai Teresa

SAC Ralkap Nih Hakha Ah Mizapi Inn 3 An Hrawh.SAC ralkap nih Chinram kulh Hakha khuapi Cawbuk sang ah January 25 zaanlei slm 5:00 hrawng ah Pu No Hei,Pu Leng Hnin le Pu Thawng Cem an inn hna cu JCB in an hrawh piak hna tiah theih asi.

January 25 zing ah Cawbuk gate a hgaktu ralkap rawlchanh i a kal mi hna pawl cu CDF- Hakha nih an kah hna caah SAC Ralkap 2 an thi i meithal zuunkhat zong an lak.The Chin Post