CDF-Matupi pasalțha nunnak liam

Tangkhawng[January] 16, 2023_CCN Channel Matupi le Hakha lampi Ngalai khua kahdohnak ah CDF-Matupi in pasalțha pakhat nih ram le miphun caah nunnak a pek.

Tangkhawng 15 zaan ah khan Ngalai khua ah SAC ralhrang 100 hrawng an luh caah CDF-Matupi nih an kah hna.

Cu kahdohnak ahcun ralhrang 1 nunnak a liam i CDF-Matupi in pasalțha pakhat a tlau tiah nizaan ah khan CDF nih thawng an rak thanh.Cu ti a tlau mi cu tuchun ah a ruak in an va char tiah theih a si.CCN_Channel

Japan nih US ralkap Pacific Headquarter Pearl Harbor cu an i relh lo kar ah rawk cikcek in ka kah lai i, US cu a dai ko lai; a ka nawl lai i keimah kut tangah an lut ko lai, tiah a ruah caah December 7, 1941 ah vanglawng in a rak kah ve.

Cu nikhat chungte bak ahcun, Japan nih US ngeihmi ralkap tilawng 8 a dihlak in a rawh dih, US raltuknak vanlawng 300 a hrawh piak dih hna lengah US ralkap 2400 a rak thah rih hna.

America mipi chikhat cu an lung a rawk, ttihnak in an rak khat ve sihmanhsehlaw cu nihcun America mipi lungthin ah “ee Japan hi kan tei hrimhrim hna pei a hauh hi” timi lungput fakpi in a rak ngeihter hna.

Cucaah US nih Japan cu fak taktak in a tuk i kum 3 a rauh hnu, August thla 1945 ahcun Japan ralkap headquarter umnak khualipi Hiroshima le Nagasaki tiang US nih atom bom in a rak hrawh piak dih cikcek hna i Japan cu zungzal ca in an rak tei hna.

Kum 3 hnu ah, Pearl Harbor i a thimi an ralkap vialte, a rawkmi an tilawng vialte le a rawkmi an vanlawng vialte caah Phuhlaamnak an rak tuah khawh!

Jan. 10, 2023 i MAH ralkap nih kan cungah an tuahmi hi, “tei hrimhrim pei an hauh hi” timi lungthin fakpi in a kan ngeihtertu sisehlaw, Bawipa nih phuhlaamnak kan tuah piak ve ko seh!

Ram a daih lio 2013 ah khan, atu Victoria Camp laicer ah a ummi tlangbo te ah khin zumtu tampi thlacamnak an rak ngei i thlarau nu Rev.Dr. Ruth Biakthai Siakhel  nih khi tlangbo ah khin lungpher a rak phum. Cu lungpher cung ahcun “ralkap thawnnak in a si lai lo, ka thlarau thawng tu in a si lai” {Zech. 4:6} timi an rak ttial. Atu zong um rih ko lai.

Cucaah tutan kan dothlennak ahhin thlacamnak, dinfelnak le Pathian bochan bu tein, Pathian sunparnak caah ral kan tei hrimhrim lai, tihi kan lungput si cio hram seh!Crd.Hram Bik Lian

Be the first to comment

Leave a Reply

Your email address will not be published.


*