CDF Hakha Thantlang bomh cu chim lo..

Falam nan si ah mizei pengtlang zong nan siah, Hakha Thantlang nih heh tiah kan in bomh hna le. Nan mah nih mibomh nan duh ve lo, midang bomh nakhmuh cu nan duhtuk fawn nanmah vial nih mi bomh nan duh lo..CDF Hakha
Thantlang bomh cu chim lo..

Chin mi kan ralkap CNA bomh hmanh nan duh bak lo…bomh nak aa tel mi cu mi tlawm tetak nan si..Nanmah cu Hakha cu e kha e nan va i titer langmang nanzia te hi fih a nung ngai te…ningzah thei pah tuah hna uh usih law a ttha lai e..mah ka catial mi hi an thinhung hna seh tiah i huatnak in ka ttial duh mi si lo in Unau kan si nak miphunkhat kan si nak in kan lai lenh bak mi hna a si..

ka catial mi hi thinhung in nan i lak ah cun i lak ko uh, na si tak reng2 mi a si ko i. A poi nak a um lo…Nanpeng ciao nan Upa Lungfim nan i neih mi hna pawl reng2 hi an calcang tak ka ti..Crd-Lungrual Nak

Facebook Kan Hman Ah Tangka Dih Loin Hman I Zuam U Sih.Khualtlung a dawmi cu an hngalh loin vancungmi nih khan an tlun tawn hna (Hebru 13:2) tiah a ti.

Facebook hawile hna nifatin fb kan hman tikah kan thunmi tangka a sawhsawh in a dih lo ding hi a biapi tuk. Fb na hman tikah a sawhsawh in na tangka dihter sual hlah.

Voikhat cu khua pakhat ah pafa hna pahnih an um i a pa nih khualtlawn a kal laiah a fanu cu bia a cah ta. Ka fanu, “Na pa ka um lo karah khualtlung hna na rak ngeih sual a si ahcun ṭha tein na rak zohkhenh hna lai. Ti le rawl thaw tein na rak chumhchuanpiak hna lai i na rak pek hna lai, asinain facang tu cu dihter hlah, dih hlah seh,” tiah a ti. A fanu nih a pa bia a theih tikah a khuaruah a har a sullam a hngal kho lo i ka pa, rawl ka chumhchawn piak hna i thaw tein ka din eiter hna ahcun facang cu dih lo cun a um khawh lai maw. Chumchuang na lakah facang cu a dih ko lai ta tiah a ti.

A pa nih ka fanu vei mu, na chumhchuan ahcun facang a dih lai ti cu ka hngalh tuk ko. Sihmanhsehlaw khualtlung le mileng cungah dawtnak taktak kha chia in na bultawl hna, na zohkhenh hna i na chumhchuan piak hna le ṭha tein tirawl na pek hna ahcun facang a dih nain thluachuah na hmu lai. Nangmah caah thluachuah a si lai, nangmah zong naa lawm lai i khualtlung zong an i lawm lai. Cathiang nih, “Khualtlung kha daw hna u. Khualtlung a dawmi cu an hngalh loin vancungmi nih khan an tlun tawn hna (Hebru 13:2) tiah a ti.

Khualtlung cungah dawtnak na ngeih lo ahcun zeibantuk tirawl hmanh chumchuang in pe hmanh hna law thluachuah a um lo. A sawhsawh in facang lawng a dih heu men ko, cucaah cun na minung hawi na khualtlung kha dawtnak lungput he ṭha tein na zohkhenh hna lai tiah ka chim duhnak a si tiah a ti. Cu hnu lawngah a fanu cu a lung a fiang i, “Aw, siseh ka fiang cang ka pa, khualtlung ka rak ngeih si ahcun facang a dih lai lo, a sawhsawh in facang ka dihter hrimhrim lai lo. Lungnuam tein khual cu va tlawng ko tiah a ti.

Ramkip le hmunkip ah a ummi fb hawile vialte hna, kannih zong nifatin fb kan hmannak ah a sawhsawh in kan tangka dihter hlah u sih. Kan fon ah kan rawnmi tangka a dihmi nakin a let tam piin a sunglawi deuh i a hlawk deuhmi man a ngei deuhmi fimthiamnak, hngalhkauhnak kan i laak khawh cio nakding i a can khawh nakhnga dawtnak lungput ngei in hman i zuam cio hna u sih law ca tam piin țial khawh, thlah khawh le rel khawh i zuam cio hna u sih tiah sawm bu in.

Dinnak kha a cat lomi tiva bantukin luanter camcin ko u (Amos 5:24).Salai K. Biak Lian Thawng Norway

Be the first to comment

Leave a Reply

Your email address will not be published.


*