CDF /CNA cu zu an ding tuk timi bia hi an chim a tlawm hawi lo,

Miphun Ciar mipi maw kan si CDF/CNA hi mitha lo mah pumpak cio ah cuai i thlai hna usih.

Mah duhthimnak a zul kho lo mi hriamtlai CDF hna hi ram le miphun kan biaknak caah tiin pumpaknak tello in tuan khawh a si lo,cu pumpeknak he zawng a fawimi rian a si lo, micheukhat nih Raldoh cu kan doh khawh cio kan au ve u a herh ahcun kan kalcio lai timi biathlam leng a tamning voi cei lak ka hna nih a theih cang, cu nih biahalnak a ka tuah colh,zeiruang timi biahalnak a um ngai! Doh khawh cio ve ngamh ve ram dawt ve ko ahcun ziah Camp ah zarhkhat um ding te hmanh i pumpek khawh tung lo timi le Nawlngaihnak zeihmanh neihtung lo chungkhar rian hmanh kaltak khawh tung lo in cun kan hmur kaa hi a zalen ngai timi ka ruat.

CDF /CNA cu zu an ding tuk timi bia hi an chim a tlawm hawi lo, khua hngak mah duh inn lo riantuan le mah inn lo riantuan hmanh huam lo mi, minung hna zurit ah soisel tung lo timi biahalnak hi nganpi ah ka chiah.

Mah duh inn lo riantuan le zeiriantuan lo duh tlawng hmanh nih zu an din ahcun Ramtang ah a kum in rian a tuan cangmi ral a tumi CDF/CNA nih an thabat caan le ralhmun an um lo caan karlak zu an rit heimi kan mit an kem mi ka zoh ah ka lungfahnak a zual, miphun ciar mipi hlah maw kan si ka ti.

A taktak ahcun Khuahngak, Khrihfa upa mipi cheukhatnak in Bawipa sin ah pum rai thawinak kan tuah i thla kan cam kan i pumh hi a tam deuh lai, zarhkhat ah voi 4 in 5 kar pung hman kan i pum i Pathian sin ah thla kan cam. Soiselnak thangchiatnak in a khatmi mipi kan si lo ding a biapi tuk, kan hmaika kan khuachung ah zu ri relcawk lo soisel thangchiat cawk lo an tam lengluang cu lak ah zarh 2 khat khua ah aidinmi Ralkap an zurit an sa ei thangchiat in a kongcaih CDF cutin CNA cutin kha tin ti cu mitha lo kan sinak a langhtertu men a si.

Mah inn lo riantuan pah in raltumi kan si caah kan tlunkal zawng a tam ahau cu teh, hi hmanh nan kan zoh kho lo,nan tlunkal a tamtuk nan ti, ruat hmanh usih, kan mah cio kan fa le cio teh mah inn lo riantuan pah in ral a tu kho kan um maw? Fa le kalnak nawl a pemi kan um maw? A silo ah kan mah teh kan kal kho ve ma an mah raltu mi bang! Minung an si ve ko tung, i zuam deuhnak tu ah kan hman a hau, na minung hawi nih Raltuk pah chungkhar riantuan pah in an tuahkhawhmi na tuah khawh ve lo mi hi A taktak ahcun CDF/CNA raltumi hmai ah bia a chim ngam ding taktak le a dir ngam ding taktak kan si maw? Bia i hal hna usih….

A ho fial lo raltu kan si, mizapi duhnak hi zulh dih awk a tha lo, cucaah khuakhan lairelthiam le cawlcanghthiam a har,Minung 2 hmanh ruahnak ai khat kho lo Hi Chin Miphun thawngtampi hi zeitindah lungrual tein le pakhat le pakhat lawmhnak caahcun kan tuah khawh viar lai timi zawng ruahchih a hau.

Khua khat hmanh ah khua lu nih cucu a tha lo nan timi kha khua taw nihcun a tha ko an ti tawn cubantuk ah kap hnih duhnak lawmhnak biakhiak kho dingcun Solomon fimnak a herh, cu hmanh cun a fawi lai lo caah kan hnurka hi CDF/CNA dirhmun taktak ruahpiaknak te he bia le holh thlahtawn u sihlaw raltumi hna kan ralkap thazaang a thawng deuh hnga…

Mitkem ding le kem lo ding zawng hi i hrimthan rih ko hna usihlaw.Crd-salai DK