Cawnpiaknâk hmân lo kong chim hi SAWI or SOISEL a si lo.

“SAWI” TIMI SULLAM HMANH A HNGAL LOMI LAIMI.Uk 66 a simi Baibal an i tlaih ve  ko nain Baibal ning si loin an cawnpiaknâk kong chim hi SAWI a si hrim hrim lo ti hi fb ah ca a țialtu le mi ca țialmi commen a tuah tu zong nih kan hngalh a herh.

Cawnpiaknâk hmân lo ralchanh hi SAWI hei si seh law Jehovah Pathian hi SAWI a hmangmi Pathian a si tinâk maw a si hnga!!!

Zeicatiah Biakam hlun ah Pathian thlahmi profet hna le Biakam Thar ah Jesuh le Johan le Paul te hna nih a fah khawh chungin cawnpiaknâk hmân lo an ralchanhnâk kha Baibal ah kan hmuh.

A fah khawh chungin a fakmi bia hmangin Jesuh nih Judah cawnpiaktu hmân lo hna a siknâk Mathai dal 23 dihlak hi na rel bal maw?

Cawnpiaknâk hmân lo ruangah Paul nih vawlei mi cu chim rih loin vancung mi tiang chiat a serh hna nâk Baibal Galatih dal khat hna hi na rel bal maw?

Johan nih cawnpiaknâk hmân lo a cawnpiaktu cu nan inn ah tlunter hna hlah u law bia țha zongin rak chawn hna hlah u tiah a timi kuat hnih Johan hna hi na rel bal maw?

Cawnpiaknâk hmanh lo ralchanh hi Pathian duhmi le tinhmi a si tiah..2Tim 3:16 ah a țialmi hi teh na rel bal maw? (Lai Baibal Thiang zoh)

Cucaah a palh kho lomi Baibal hmangin an cawnpiaknâk a hmân lo ning langhter hi SAWI or SOISEL a si lo ti hi Laimi Kristian vialte nih fiang tein hngal u sih.

SAWI or SOISEL timi cu pumpak nunzia ai dawh lomi le an țhatlonâk kong chim khi a si.

Cawnpiaknâk hmân lo kong chim hi SAWI or SOISEL a si lo. Crd-Evan Rualuk

Be the first to comment

Leave a Reply

Your email address will not be published.


*