Cawn tlak Angki sen Giggs hi Man U team ah a rak chuih, a raang Kaka bel hi AC Milan ah.

Cawn tlak Angki sen Giggs hi Man U team ah a rak chuih, a raang Kaka bel hi AC Milan ah. Voi khat an i ton lio ah Giggs nih Kaka cu ningcang lo in fak tuk in a rak chuih. Kaka cu a thinhun tuk ruang ah a tluknak in lekmalak a tho i Giggs cu a hnawng a rak dih colh. Fak pi in an rak buai.

Nain an pumpululh chuih a dih hnu ah KaKa nih Giggs cu a rak bawh i amah Mirang holh a thiam lo caah a hawipa a rak fial i Giggs cu a rak nawl. Giggs nih mah tham cu a phung si ko cuh, a poi lo tiah a rak leh hnu ah Kaka nih Giggs cu a kuh i bia thlumal a rak chimh. Mah cucu Giggs nih KaKa a upatnak le nihin tiang a philh lonak a si.Mah hna 2 hi Khrihfa tha an si tiah kan theih bal lomi an si nain mah zawnte hi cu cawn tlak an si ko.

Hawikom kar ah, nuleva kar ah, riantuanti hawi kar ah remnak kaar a hlang hmasatu si hi a har ko nain a sunglawimi le Pathian fialmi a si.Crd-Peng Thang

” Nawl Ngaihnak. “Ngakchia nu pakhat nih a hawi nu cu picnic ah kal a sawm. A hawi nu nih, “ Chikhat te ka nu ka vachim talai ,” a ti. Cun a rak kir i kei cu ka nu nih kal a ka sianh lo a ti. Ngakchia nu nih cun,
“ va kal ṭhan ṭha te in na chimh lo ca ah a si lai, an sianh ko lai cuh,” a ti. A hawi nu nih, “ Oh, a si lo, ka nu cu ka chimh ṭhan zongah a ka sianh bal lai lo. Ka nu nih ka ca ah a ṭha mi a ka hngalh piak caah a si, cu ca ah a nawl ka ngaih lai, ” a ti.

Khrihfa hi mah ban tuk te hi kan si awk a si, kan ca ah a ṭha bik mi a kan hngalh piak tu cu kan Pa Pathian a si tiah catial tu nih a chap. Crd: Roy B. Zuck: The Speaker’s Qoute Book.

Zohhmanh, nawlngaihnak hi raithawinak nak in a ṭha deuh i A mah bia ngaih hi tuukawng hna thau nak in a ṭha deuh . (1Sam 15:22).Crd : Dr. Siang Zi ( Mah Azi ) FB