Cawbuk sang ah ngakchia telh in chungkhar in tlaih a tongmi an um hna.

Tu Zaanlei Cawbuk Thawngpang
SAC ralhrang nih cawbuk sang inn 3 cu JCB in an hrawhpiak hna.

Cawbuk sang ah ngakchia telh in chungkhar in tlaih a tongmi an um hna. Chungkhar pathum tiah minung pakhat nih cun kan sin ah a chim.

Cawbuk thlang Moe Hein dinti thiang sehzung lei in SAC ralhrang nih an hngah i minung tukvelh buin an tlaihmi hna an um len.

Minung zeizah an tlaih hna timi fiang in theih a si lo. Tlaih a tongmi hna an sining zong theih a si rih lo.

Atu zaan ah Hakha khua in meithal puah thawng a thang. Zei ruang ah/khoika in timi fiang in theih a si lo. The chinjournal

Mindat Peng Paleikhtwe Khua Ralhrial Sakhan Tawlreltu Committee Zung Bomb An Thlak Caah Hliam An Tuar Dih

Mindat peng ralhrial umnak sakhan tawlreltu committee nih caan karlak rianțuannak an hmanmi zung Paleikhtwe khua phungki sianginn cu january 23 ah SAC ralkap nih vanlawng in bomb an thlak caah rianṭuantu an zate in hliam an tuar tiah Mindat peng ralhrial umnak sakhan tawlreltu committee nih cathanh an chuah.

” Vanlawng in bomb an thlak caah rian ṭuantu dihlak nih hliamhma an tuar, hliamhma tuar mi hna lak ah minung pahnih hi an hliamhma a fak” tiah Mindat peng ralhrial umnak sakhan tawlreltu committee nih an social media ah cathanh an chuah.

Vanlawng in bomb an thlak ruang ah phaisa sing 30mmk, zung hmanmi Computer pakhat, Solar pathum, Hymon Jeep motor pakhat, Battery lung li, Phone lung hnih, Printer pakhat, cycle pahnih, puan hna le a dang hmanmi thilri a dihlak ngawt in a rawk tiah an thanhmi ah cun an langhter.The Chin Post

Be the first to comment

Leave a Reply

Your email address will not be published.


*