Carson Chin Baptist Church, Milwaukee nih CNF $45,000 an kan bawmhnak cung ah kan ni lawm tuk hringhran.

Carson Chin Baptist Church, Milwaukee nih CNF $45,000 an kan bawmhnak cung ah kan ni lawm tuk hringhran. Kum 2023 cu kan miphun caah a biapi bik kum a si bantuk in CNF nih a rak um bal lo mi thil tampi tuah kan ni tim.

Kan ral a kham in kham sawh sawh lawng si ti loin, an hram hrimhrim in bawngh khawh kan ni zuam lai kan ti. Kan miphun nih kan ngeih cang mi kan thazang , fimnak le kan ngeih mi chawva vialte kan tuak tik ah a tu kan ngei cang mi thazang nih hin kan ral teinak ca a zaa tuk ko.

A zaapi in khawmh dih thiam le hman thiam tuk a bia pi.
Hi kan thazang khawmhdihnak caah CNF nih pumpak cio thlakhat $100 cio khan kumkhat $1,200 lawng si loin, Vawlei cung kan Chin Khrihfabu kip ah an kumkhat budget in 10% hrawng cio in kan Chinram sernak ah phaisa kan hal hna. Cu kan halnak hna ca cu kuat cuahmah a si i, a cheu cu a hmu hmanh an hmu rih lo.

Carson Chin Baptist Church (CCBC) nih cu bawmhhalnak kan ca cu nizan (01/14/23) ah an hmuh i nihin pumh dih in an kan cheih piak. Kan hal hna ning bak $45,000 in kan nin bawmh cawlh hna lai khawika dah phaisa kan fak kuat lai tiah an Pastor Rev.Dr. Ronald Charles Nunuk nih a rak kan chawn.

Kan miphun vialte nih hi thilttha, thil dik, Pathian mission pi an an tuahnak hi kan ni lawm dih hlei ah a tu lio hi kan Chin miphun nih kan tawn bal lo mi ral kan ngeih nak le tei hrimhrim a herhnak a thar in an rak lang ter. Lawmhnak chim chimh cio hna uh sih.

CCBC pastor le member vialte hnu lei caan ah CNF, UCCF nan kan bawmhnak vial ah siseh a tu $45,000 nan rak kan bawmh cawlhnak ah siseh kan ni lawm tuk hringhran!Crd.Daniel Sakhong

Be the first to comment

Leave a Reply

Your email address will not be published.


*