Car Gate mitthli.Voikhat cu Gate ah dawr thil phan mi ka va lak pah in ka ruah lo tuk mi pahnih he kan i tong.

Car Gate mitthli.Voikhat cu Gate ah dawr thil phan mi ka va lak pah in ka ruah lo tuk mi pahnih he kan i tong.

Pakhat hi sianginn kan kai lio ah muidawh a si. Nu te mui nih a zaa, ca le thiam pah tik ah cun tlangval pawl lungchung ah hmunhma a rak la ngai.

Pakhat tu hi cu kan mah nak in upa deuh. Sau ngai ka rak hmuh ti lo lio caan ah an pahnih in pumkhat an rak si deng, zubui meican te lawng aa rak duh.

“Nang then lai ka siang lo, Val dang tang ah liam ko hmanh law” ti len zong ah khuacaan nih a pek lo tik ah then nak a hung chuak.

Nu te cu chungkhar sahlawh rualchan tawlrel piak nak le va ral lei kawh auh nak ruang ah varal lei kal nak documents tling tein an tuah piak dih in hi ti hin Gate cun kan i tong hna.

Kum sau pi i hmuh ti lo a si tik ah “Nan dam maw?” Nan pahnih in nan i rem tuk, khual maw nan tlawn ti lai tiah ka vun hal cu, an pahnih in an mithmai a chia ai.

Nu te nih Mung kei cu kawh auh nak ruang ah ka kal cang lai tiah lungthiang tein a hun ka chimh cu ka hmai a chia, ka lung a nuam lo ngai.

Ka lung chung cun Pa te hi zei tluk in dah a tuar hnga! Kei mah ding in ka ruah ah ka ngaih a chia. Nu te a chung le cu nuam tlaimai in biasong an tlorh ka hmuh ah Pa te cu ka zaangfak.

Cu ti cun Pum khat si ding in zubui meican lawng aa duh mi pa hnih cu varal lei kawhauh nak ruang ah mitthli he a then ruangmang hna…Valral lei kawhauh nak = Bungkus.Crdit-Go Lian Mung

Be the first to comment

Leave a Reply

Your email address will not be published.


*