Captain Lal Hleia le a hawi le nih Mizoram ii Police bawi IGP an rak thahning.

January 3,1975 kum ah khan Aizawl ii Dawrpui sangthar an timi inn pakhat ah khuakhan lairelnak an rak ngei ii Capt. Thang Hrehlo nihcun kan hawi le Thong an tla ii an mah chanhkhawhnak le an chuah khawhnak ding lam um chun cu Cozah riantuan Mizo si lo mi Officer pawl tlaih ii kan hawi le thongtla he ii thleng ding in tawhfung ah kan hman a hau tiah a rak chim. Capt. Lal Hleia nihcun Officer te nau si lo in Officer pi cal deuh tlaih hi Cozah zawng nih biapi deuh ah a chiah lai tiah a rak ti ve ii cu lio ii Mizoram IGP Kipnap tlaih cu aa rak tinh cemmi a si.

Capt. Lal Hleia nihcun IGP cin a si cangmi cu Body Guard le vemhimnak tha taktak an ngei ii a har cu a harsa ngaingai ko lai a ti,nain a tin caan,Office ah a kal caan,a cawl canghning te pawl kha biatak tein ngiat thlainak kha a kalpi hmasa hnu ah Office ah kal hnawh theng hau lo in lampi ah tlaih khawh nak caan a um kha a zumh ruangah biatak tein ai zuam.

Hi lio caan ah IGP tlaihtim tu hna cu,Lal Hleia, Rohnuna, Thanghrehloa le Ralkapzaua hna hi an si, Zarkawt phei ii High School lampial ah IGP office in a tin lei cu an rak bawh hna, Ralkapzaua cu Signal an van pek ii Cycle he a van zuang, IGP Motor hmai ahcun aitluk hramhram ter, cu va hramh koh ding bantuk in Lal Hleia le Rohnuna cu an va tli, IGP cu tlaih an timh bak ah khin Sianginn lei in Police motor 2 an rak tli kha an hmuh ii tlaihtimtu hna cu Dawrpui lei ahcun an ii zukphiak than hna, tlaih an timhmi a voikhatnak cu a fail ko nain Capt. Lal Hleia a lung dong kho lo ii cu nak in a tha deuhmi plan a ngei than.

Lu hlauh siang in ram le miphun ca ah tiin cawlcangh ning tihnung deuhmi cu an van suaisam,Police Uniform ii hruk in IGP cu a Office ah luh hnawh ding a si.Capt. Lal Hleia nihcun Police form cu ii hruk in a liangah Arfi pathum cu ai benh, Bawi luchin ai chin ii a hnu zul minung pathum nihcun Constable uniform le G-3 meithal an ii ken hna ii cuticun Pu Khuanga timi Motor ZRG timi I hlan in IGP Office tin hlan deuh te ah an va luh hnawh.

IGP Vengtu hna nihcun Uniform le ralthuam he a va lutmi hna cu Slute an rak pek hna,Capt. Lal Hleia zawng nihcun Slute pekpah in IGP Gate luhnak cu an lawnhpah, IGP Office chung an va luh ahcun, Capt.

Lal Hleia nihcun an in halmi thil hi nihin ah na kan tuahpiak hrimhrim lai tiah Mei thal cun a hmuah colh ii kan hawi le thongtla pawl le nangmah hi kan in thlenlai na kut thlir tiah a ti.IGP nihcun na kan halmi cu kan tuahpiak kho lo a ho na si zawng kan hngal lo tipah in cabuai tang ii Pistol a chiahmi lak a timhpah cu Lal Hlei ah nihcun a kah dih hna cu lio ahcun Lal Hmachuana Driver nihcun inn hmai in motor sehnunter cia in a rak hngah hna ii Lal Hleia te an vanchuah bak cun a phurh hna ii a tehpi colh hna.

An mah lu zuar in IGP tiang a simi kha an rak thah khawh ii cuticun Mizoram khi dothlennak an rak tuah,nihin ah kan nih Chin Mi zawng lungthul lo in le teirial in hmai kan nawrchin ii lairel, Ralrelthiam in biatak tein kan cawl cangh khawhtik ahcun kan thisen ah ramdawtnak taktak ai tuh thlu rihlo mi hna hi ai tuhte lai ii teinak thantar cu kan tar khawh ve te ko lai a biapi cu ralthat ii a dikmi dirpi,ram ca ah lu zuar ngamh kha a si ko. Crd-Salai DK

Be the first to comment

Leave a Reply

Your email address will not be published.


*