Caangvat le fikfak cu Yangon khua um Pura minthang pawng minung aa sul-letmi btk an si.

Furpi aa lim rih lo, ruahti a tlak peng rih caah chum a zaam deuh peng rih.

Caangvat le fikfak cu Yangon khua um Pura minthang pawng minung aa sul-letmi btk an si.
Timit ah rua le mau um ve lo caah ihkhun hun donh awk fawizaang um lo.

Furpi Vawlei hnawng le daam lakah an it,an ei an ding. Vawlei dat sau ngai i dawp ter ahcun zawt a fawituk.Cucaah an eidin a thawt pah lo cun taksa damlonak nih a tlak tuan khawh hna.

Mah caah heh tiah ramchung ramleng le Vaurawng hna nan cawlcangh nak hi man a ngeituk hringhran.Crd-Salai William Hc

Zeitindah Thlarau leiah na ṭhancho lai?Thlarau lei ah na ṭhan nakhnga le nuting/patling na si nakhnga le thlarau minung na si khawh nakhnga kumkhat voikhat conference (civui), revival programs, crusade, camping kainak, gospel kalnak, training kainak le rawlulh/thlacam tibantuk “event(puai)” tuahnak in a ngah lo.

Thlakhat voikhat Bible Study tuah, zaan ipumh, group in thlacam le fellowship tuah in thazaang ipeknak in a ngah lo.

Cun zarhkhat voikhat ipumhnak, thawngṭha ngaihnak, Bible relnak, hlasaknak le thlacamnak in a ngah lo.

Hi vialte hi cu Khrihfabu na um ahkhan na rak tuah lengmang i a tuni tiang na tuahmi an si ko. Asinain Thlarau in a khatmi minung cu na si kho lo.

Cucaah nifatin hi Bible rel in thlacam lengmang a herh. Chun le zaan in na ruahnak ah Pathian bia asi aherh. Pathian bia in na thinlung isersiam in Khrih muisam na lawnh chin nakhnga vision na ngeih i practice na tuah lengmang a herh.

Culawng si loin, vawlei he ihawikomh na hrial a herh. Na hawikom nai iralrin aherh. Na umnak pawngkam asimi na Khrihfabu, na khua, na rianṭuannak, na inn chungkhar le social media ma zohmi nai iralrin aherh!

Bible bia lawnglawng hi Khrih muisam lo chin lengmang in a kan sersiamtu asi. Na rel deuhdeuh ahcun a bia haar deuhdeuh lai i na nun fawitein an remh/sersiam cuahmah ko lai.

Na mit kha Bible bia zohter! Na hna kha Bible bia theihter!Na ruahnak kha Bible bia ruahter!Na thinlung kha Bible bia in khahter!

Cutikah na nunnak ah Thiang Thlarau theipar na tlai lai i thlarau lei ah na ṭhangcho cuahmah ko lai. Thlarau lei ah na ṭhan hnucun vawlei teitu na si lai.

Lenglei thil na tonmi tete harsatnak, chambaunak le tlamtling lonak tibantuk pawl kha cu Bawipa sin ah chan dih hna law, Bawipa rinh ko! Bawipa a cawlcaang ko lai.

Nang na rian cu nifatin Bawipa he ihawikomh i Amah nunzia cawn asi.Crd-James Vanneilian

Be the first to comment

Leave a Reply

Your email address will not be published.


*