C. Ronaldo zong pehzulh tein voi 5 chung WC zuamnak ah goal a sut khotu hmasabik record thar a ttial

2022 FIFA WC Group State Nihin tiang an Result.Group A in H tiang voihnih cio an chuih cang nak ah France, Brazil, le Portugal hna cu Round of 16 ah an qualify cia cang. Cu ve bantuk in Qatar le Canada hi an tla cia ve cang, teinak hmuh ko zongah a qualify kho ti ding an si loh. Thaizing 11/29 thok cun 10:00AM(EST) ah puai hnih le 02:00PM (EST) ah puai hnih thluahmah in anmah le group cio in a hmadungbik  puai an hun chuih cio cang hna lai.

Atutan World Cup ah a zohtu mipi atambik mi puai cu Argentina le Mexico an chuih kha asi i mipi 88966 nih Lusail stadium ah an rak zoh. Mah zat lawng hi an stadium nih a torhmi asi i kum 28 chung World Cup an chuihnak ah azohtu tambik record zong asi fawn.

C. Ronaldo zong pehzulh tein voi 5 chung WC zuamnak ah goal a sut khotu hmasabik record thar a ttial i Lional Messi zong nih voi 5 chung WC zuamnak ah assist tuahnak in record thar a vun ttial ve.

Group A le B, C le D, E le F, G le H i point tambik in a kai mi kha le a hun chang tu cio kha round of 16 ah an i tong cio te hna lai. Mah hna lak ah Group D in France hi point tambik in a kai lai a fiang cia cang i Group C in 2nd place  in a hun kai dingmi he an i tong te lai. Tahchunhnak ah Argentina hi 2nd place in a qualify asi ahcun Round of 16 ah France he an i tong te hnga tinak asi.

Cu ve bantuk thiam in Group G in Brazil hi 1st place ah aum lai ding a fiang ngaingai. Ruah loin Portugal hi anmah Group H ah 2nd place hoi hna in a kai sual ve asi ahcun Round of 16 ah Brazil le Portugal an i tong ve te hnga, asinain 1st place veve ah an um lai ka zumh deuh. Asinain pumpululh cu a pum le an ti tawn bantuk khan zei poh a cang kho mi asi ko.Crd-Salai Cbt Zaathang

Be the first to comment

Leave a Reply

Your email address will not be published.


*