British Museum Ah Hlan Lio Lai Cawngnak Puan le Cawnlo Puan

British Museum Ah Hlan Lio Lai Cawngnak Puan le Cawnlo Puan

Tleicia Stephen Ni Kio Lai Nunphung cauk chimmi le British Museum chimmi aa dang.

Stephen Ni Kio nih Lai puansen khi ‘cawngnak’ a si, a ti. British Museum nih Lai puansen cu, ‘Cawnlo’ a si, a ti. Stephen Ni Kio nih, Lai puannak khi ‘Canlo (Cawnlo he aa khat)’, a ti. British Museum nih Lai puannak khi ‘Cawngnak’ a ti. Zeidah a dik deuh ti ka hngal lo. A theimi nih kan chim te u law. Puan muisam a rongci in chim ah cun, Lai puannak khi ‘Cawngnak’ ti awk aa rem ngai, ‘a nak’ a si le.

British Museum nih cun, Lai puan pahnih hi, zabu 20 thoklei ah tahmi an si; British Museum ah 1948 ah register an si, a ti. ‘Cawnlo (Canlo) le Cawngnak’ hi ‘Bawi puan’ an si tiah British Museum nih a ti. Stephen Ni Kio nih a cauk ah, ‘Canlo’ hi Bawi puan, ‘pa puan’ a si, a ti ve, ‘Cawngnak’ puan kong tu a chim lo, ‘Bawi puan’ a si le si lo. Atu ah cun, Laimi vialte puan an si — aa zalh kho poah nih an ngeihmi puan a si.

Asinain nihin i kan ‘Cawnlo’ puan le ‘Cawngnak’ puan hi hlan lio ahrim deuh he aa lo ngai maw ti khi ka lung aa awttawm. ‘Cawnlo’ puan nan kan timi hna kha hlan deuh lio ‘Cawnlo’ puan a si ngaingai maw?

‘Cawngnak’ nan kan timi khi ahrim (original) deuh ‘Cawnngak’ puan a si ngaingai maw? Ahrim (original) deuh khi Lai puan ngai cu, a si ko lo maw? A si lo ning in, tahmi le ttamhmawihmi nih kan Lai puan a sinak ngai a kheng maw? Dawh ti ahcun, atu chan kan puan ko pei an i dawh. Asinain nunphung le tuanbia hoih cun, Lai puan taktak te a simi kha sullam a ngei.

Lai puan kong ka thei lo tuk le a cunglei ah biahalnak tu in ka tial khi a si. Biakhiaktu si ko u. Photo: British Museum Online Crd.B CH Khar