Breaking News.SAC ralkap raltuknak Helicopter pakhat nih nihin November 22 zing sml 10:46 ah Timit um Chin ralkap a kah ṭhan hna, tiah theih a si.
Zing sml 10:44 hrawngah SAC ralkap raltuknak Helicopter pakhat cu Hakha a phan i Hakha le Thantlang karah kahdohnak va tuah sehlaw a dawh bik. Cung sang piin a zuang i timh ciammam tein a kah hna, tiah tualchung mi pakhat nih a chim.
Nizan November 21 zong ah SAC ralkap raltuknak Helicopter pakhat nih a rak kah hna, tuni zong pehzulh in a kah ṭhan hna, tiah theih a si.The Chin Post
Kan Ruahchannak Pathian
Thinphang thlalau le harsatnak phunphun lak kan nun lio caan ah, kan lung a donghtuk lio caan ah le a ka bawmchaan tu an um tirua lo tiah kan ruah lio caan ah Bawmtu kan ngei.
Kan lam a pit dihcang tiah kan ruah lio caanah lam hmuhsaktu Bawipa kan ngei. Vancung zohhmanh Pathian kutneh dawh na hmuh lai cun Pathian lianngannak na hmuh ṭhan ko lai. Micah bantuk in Pathian sinin thazaang la ṭhan usih. Crd: Pastor Laja, No.913/2022 Morning Devotion. 5 Minutes message. 18.11.2022
Sihmanhsehlaw kei cu Bawipa kha ka kawl lai, Ka khamhtu Pathian cu ka hngah lai, Ka Pathian nih cun a ka theih lai. Maw ka ral hna, ka cungah nan diriam hlah u; Ka tlu cang, sihmanhsehlaw ka tho ṭhan lai; Atu cu muihnak chungah ka um, sihmanhsehlaw Bawipa nih ceunak a ka pek lai. (Micah 7:7-8)
crd-Mah Azi
Leave a Reply