Breaking News NLD Vuanci Thura U Aung Ko A Luat Cang

Kum 12 chung thong thlak ding in biakhiah piak mi NLD cozah minister of religion Thura U Aung Ko cu nizaan January 3, zaanlei ah Insein thonginn in a chuak cang tiah fehter a si.

Nizaan January 3, zaan ah SAC kuttang palik nih a umnak inn tiang an thlah tiah theih a si.

Nihin, January 4 Kawl independence day ah tlaihkhih a tongmi cheukhat cu SAC nih luatnak a pek hna lai tiah thawngpang a leng.

January 4 hi, Thura U Aung Ko cu a chuahcamtuak kum 75 a tlin ni a si i, a voi 75 nak Kawl independence day ah luatnak a hmu tiah theih a si.The Chin Post

Duhmi le Herhmi.Chungkhar pakhat ah an dawt ngaimi an fanu cu a hungthang I nungak caah a nu sinah hmursensi ka cawkpiak a ti. Anu nih a fanu nih a herhmi a si tiah hmakhat te ah a cawk piak. Ma cucu a fapa nih a hmuh caah anu sinah ka nu hmursensi ka cawk piak ve, ka u zong na cawk piak ve ko a ti. A nu nih pa cu hmursensi thuh phung a si lo, ka fa tiah thate in a chim. Khrihfa mi hi kan herhmi a si maw si lo ti hngal lo in Pathian sin kan hal mi a tam ngaingai. Pathian nih kan herhmi cu a kan pek tawn nain kan duhmi cu a kan pek lo mi tampi a um. Cucaah Pathian nih kan caah a tha bikmi a kan pek zungzal ti hi kan philh lo awk a si. Crd.

Nan fale nih changreu an in hal hna tikah lung a pemi nan um hnga maw? Nga in hal hna seh law, rul nan pe hna hnga maw? Hi tlukin nan ṭhalo ko nain, nanmah hmanh nih nan fale kha thil ṭha pek nan hngalh ahcun, vancung i a ummi nan Pa chinchin nih cun zeitluk in dah thil ṭha cu a halmi kha a pek chinchin hna lai!(Matt. 7:9-11)Mah Azi

Be the first to comment

Leave a Reply

Your email address will not be published.


*