Breaking News

Chin ramkulh, khuapi Hakha ah SAC ralkap Helicopter pakhat a phan ṭhan, tiah theih a si.

Tualchung mi pakhat nih, “Nihin September 15 zing sml 9:37 ah SAC ralkap Helicopter pakhat cu Hakha a phan i, rungtlang ah a ṭum hnuah a kir ṭhan colh,” tiah The Chin Post ah a chim.

Nizan September 14 zong ah Helicopter pakhat cu Hakha a rak phan i, nikhua a chiat ngai caah Hakha khuathar a phanh ah a ratnak lei in a kir ṭhan, tiah theih a si.

Nizan cu nikhua a chiat ngai caah a ṭum ngam lo i a si ṭheo lai. Hakha khuathar cung a phak ah a kir ṭhan colh. Nihin zing belte cu nikhua ṭhat caah a ra ṭhan i a si lai. Rungtlang ah a ṭum hnu zong ah a kir ṭhan colh, tiah tualchung mi pakhat nih cun a chim.The Chin Post

Thlacam A Zumlomi Khrihfa
Hlanlio chan in a rocar ngaimi khua pakhat a um i cuka khua mirum pa nih riahnakinn pakhat sak ding in bia a khiah i, a sak. Cuka khua i Khrihfabu nih riahnakinn sakding cu biapituk ah an ruah caah Pathian sinah zohkhenh piakding in zankhua dei thlacam an i tim.

Khrihfabu nih cun zankhuadei cu chimlo caan tlawmpal an cam in an thlacam cu an ngol diam. A roah hlan ah cu inn cu ruahlo in a kang dih. Inn ngeitu nih cun khrihfabu thlacam tu hi, hi inn kongah ṭuanvo an ngei a ti hna i taza a cuai hna. Khrihfabu nih Sihni an hlan i ṭuanvo an ngeih lonak kong a chim piak hna.

Biaceih tu nih an konglam kha ṭhate in a hlathlaih dih cikcek hnu ah biachahnak a tuah mi cu, “ Zeibantuk thil a si zong ah thil pakhat a fiangmi aum. Inn ngeipa nih cun thlacamnak hi a zumh cun Khrihfabu thlacamtu pawl nih cun an zum lo,” a ti. J.K. Johnston, Why Christians Sin, Discovery House, 1992, p. 129. A ka dawmi cu ka dawt hna i fel tein a ka kawlmi nih cun an ka hmuh(Phungt.8:17).Mah Azi

Be the first to comment

Leave a Reply

Your email address will not be published.


*