Bomb aa lamhsual mi pa cu khua pawng Lei ah facang hlep ding in a kal, tiah tualchung mi nih an chim.

Paletwa Peng Ah Tualchung Mi Pakhat Nih Bomb Aa Lamhsual Caah Hliam Faak Ngai A Pu

Chin ramkulh, Paletwa peng Simawah(စည်းမဝ) khuami pa pakhat cu nihin September 1 zinglei ah Lei a kalnak ah bomb aa lamhsual i, a kee khatlei ah hliam faak ngai a pu, tiah theih a si.

Bomb aa lamhsual mi pa cu khua pawng Lei ah facang hlep ding in a kal, tiah tualchung mi nih an chim. Bomb hliamhnak ah cun a kee khat lei thahri an cat dih i, Paletwa siizung ah an kuat, tiah theih a si.

Bomb cu zei bantuk phu nih hmanhmi a si fiang tein kan thei lo, tiah tualchung mi nih an chim. Atu lio hi Paletwa peng chung le Rakhine ramkulh chung ah SAC ralkap le AA kar fak ngai in kahdohnak a chuak, tiah theih a si.The Chin Post

Hriamnam He CDM A Tuahtu Palik Pakhat Cu Phaisa Kyats 7,000,000 Laksawng Ah An Pek!
Magwe ramṭhen, Yaw palik sakhaan in palik pakhat Ngan Min (ညာဏ်မင်း) cu nizaan August 31 ahkhan Yaw hrambunh The Youth Force(Saw& kyaukhtu) sin ah a hriamnam he CDM a tuah caah The Youth Force nih kyats 7,000,000 laksawng ah an pek, tiah theih a si.

Ngan Min nih cun bomb lung 4, kuan 300, G3 1 le kuanbawm 2 he CDM a tuah tiah theih a si. Ngan Min cu 2017 kum in palik rian a rak ṭuan mi a si.The Chin Post

Be the first to comment

Leave a Reply

Your email address will not be published.


*