Bible sianginn a kai lomi cu pastor caah lak bak lo ding.

Chin miphun nih kan tthangcho nak dingah le thluachuah kan hmuh deuhnak dingah mah thil pahnih hi tuah hna uh sih ti ka duh.

1. Bible sianginn a kai lomi cu pastor caah lak bak lo ding. Mah konghi tampi ttial ding ka nei nan ka manh deuh tik ah ka ttial te lai ka ti. Nikum le kum hmasa hrawng zongah ka rak ttial cang tlawmpal cu. Bible sianginn kai bak lo i pastor ttuan le ttuan duh zonghi “Prosperity gospel” phunkhat a si ve. Pathian rianthiang upat lo zong a si fawn ka ti. Mah kongah aho hmanh ti hnawhmi ka nei hlei lo. Bible caang chirhchan zong tampi lak khawh a si.

2. A rum deuh le catang nei deuh le a nung kho deuh le cozah rianttha a tlaimi le pastor ti bantuk nih cun fa pa 5 cung nei kho dih uh sih law a ttha tuk hnga ka ti. Cuti ka titik ah sifakmi chungkhar nih fa tlawmte lawng nei hna seh ka ti duhnak si lo. Atu kan sining cu a rum deuh le cozah rianttha a tlaimi le catang sang deuh paoh nih fa tlawmte kan neih hna. Mah hi a ttha lo ka ti. Chin miphun tthangchonak caah le milu karhnak caah dawnkhantu a si ve ka ti.Crd-Van Tum

Genesis 3:6 kan rel ahcun Eve nih sualnak thingthei a ei hnu ah a pasal Adam zong a pek ve tiah kan hmuh. Adam nih Eve pekmi thingthei cu a ei ve. Eve nih amah lawng in sualnak thingthei ei cu za a ti lo i a pasal Adam zong a pek ve/a eiter ve/ei a fial.

Ka dawt, a thlum tuk hi ei ve ngat a ti. Khrihfa tampi zonghi kanmah lawng in midang cung i sualnak le tthat lonak tuah cu kan i za lo, kan i lungsi lo i kan hawile zong cu bantuk in midang cung i sualnak le tthat lonak tuah ding cu kan sawm ve hna/kan fial tawn hna/kan tuahter hna.

Nangteh midang cungah sualnak le tthat lonak tuah ding in na chungkhar le na hawile le na nupi na pasal na fial ve hna maw?/na sawm ve bel hna maw? Midang cungah tthat lonak tuah ding in midang sawm hmangmi le fial hmangmi na si ahcun Eve bantuk na si tinak a si ko lai. Chinmi Khrihfa lak zongah Eve bantuk ziaza a neimi kan tampi rih.Crd-Van Tum

Be the first to comment

Leave a Reply

Your email address will not be published.


*