Biatak nih a kan luat ter ngai ngai maw?

Jesuh nih Bia tak cu keimah hi ka si a ti.Jesuh nun lio ah bia hi aa dawh cahnak in chim aa tim lo.Mi nih ka upat hna seh ti zongin a chim lo.Mi hnakhaw ah thlum al dingin bia zong a tamhmoih bal lo.A dik ning tein a chim caah aa fah sak mi an tam deuh.

Biatak nih cun mi zawn na ruat maw? Bia dik lawngte na chim maw? Na nun ziaza a tha lo hih! etc tiah a kan hal i cawn piak peng caah Biatak pawngte i thutdir cu kan i harh tuk.Zeicatiah biatak cu kaa khat te kan hnakhaw chung a luh bakin kan thinlung kha a henh colh.Bianabia ah ti kha nika nih a ceuh tikah a lum.A tak nih a tongh tikah ti nih a tuar ve.Biatak nih cun a kan tongh tikah kan takpum nih a tuar hrimrhim. Cutikah i pheh len awk maw a si? Cohlan i remh ding dah a si!

Nain Biatak pawng i kan um lo cun kan i nuam ngai.Kan si lo ning pi in a kan cawisan i a kan thangthat i a nuam kan ti tuk.Bia dawh dawh ngaih nuam lawngte,thluachuah i pek le thluachuah hmuhnak lawngte an si.Biatak nih hna hnawh ti lo mi sui khua lipi ram nuam kan phan.Cutikah lenglei langhnak ahcun thil hi a tluangtlam ngai mi khi a lo tawn.

Nain Biatak pawng i kan thut dir duh lo.Biatak nih a kan tongh tikah kan cohlan duh lo ahcun khamhcia kan si zongah kan luat hlei lai lo.Luat timi hi mirang in (deliverance) ti a si. Luat timi um tu ning cu nidang ah herh ti cun ka tial than te lai.Crd-Salai Tin Maung Win

Be the first to comment

Leave a Reply

Your email address will not be published.


*