Believer Biak Inn Thantlang a ciam, Ralhrang kut in. Biak Inn 12nk mei an duah mi asi.

ZULTU 12 LE BIAKINN 12 CIAMNAK
Believer Biak Inn Thantlang a ciam, Ralhrang kut in. Biak Inn 12nk mei an duah mi asi. Jesuh nih Zultu 12 lawng athim nak sullam he aa rup ngai. Thantlang peng hi Pathian rianṭuan tu tampi a hrin tu kan si. Baptist lei in anih anih ti vialte hi Thantlang peng ngawt deuh asi. RC lei in Bishop le Siang Bawi te anih anih ti vialte Thantlang peng lawng asi. Thantlang peng mi Founder minthang hna cu: Bishop CK No Chum, CJC (Old), Believer Church, Thantlang peng nih dirhmi asi. Vawleipi ah dirh cia mi Krifa Denomination asilo.

Dr. Lian Sai, Church On The Rock: Rev. Dr. J Ral Bawi, UPC, Rev. Dr. Mang Hit, Holiness, Rev. Amos Thang Chin, BCM: Adang ka theih lomi an um khawh men. Bible Siang Inn Founder zong Thantlang peng deuh lawng te kan si. Uanthlaar nak le porhlawtnak si loin, Pathian nih an kan thimh hlei mi kan si. A Krifa bu le a pennak caah ti kha hmuhsak duh mi asi.

Believer Biak Inn cu 23 June (Puur thla) 2022 ah Rallokap nih mei an duah. Biak Inn mei an duah mi 12nk asi. Nambar vialte kan fonh dih ahcun; Pathian Lambar 7 asi (2+3+1+2=7). Jerusalem Temple zei rello tu le hrawktu vialte sarthih in an thih ngawt dih. Pathian Biak Inn hi vialte mei duah tu hi an thih sawh sawh lai ka zumh bak lo kei cu: MAH le Rallokap tlukin Pathian Biak Inn zeirello tu le a hrawk tu hi Vawlei tuan bia ah aum ballo. Hi hnu zong ah a um ti lai lo. Phuhlam tu cu KEIMAH ka si tiah Ralkapbu BAWIPA nih a ti. JOB Bantukin Pathian Thluachuah let 7 kan co nak tu si hram seh. AMEN.

Rev. G. Za Ṭhio a thawngṭha chimh ka ngai hmasat na Biak Inn asi. Hi tluk a tung a niam mi Keimah hi ka fapa nih Thlapa hung ka lak piak a ka ti, Ka fapa nih a ka bochan bangin Pathian bochan uh tiah thazang a rak kan pe. Nihin tiang ka sin ah anung zungzal. Sayaci Vai Se pumh kan sawm ve I a duh lo. Annih le UPC hi hna ankan chet tuk ka rem hna lo an kan ti. Biak Inn pawng um ah aa pumh duh lo bik an si lai, anih le Sihni Siang Zel hi. Mizo aw ṭha Liankhuma hlasak le Thawngṭha kan rak ngai nak hmun asi rih. Evan. Hrang Bik Ceu nih pek nun a rak cawn piak hna I ka ngai ve. Dei lei suimilam 3 dengmang tiang an lam rih. Kan I hngilh kho lo Innpa vailte.

Hi tluk in Thantlang fa nau Harnak kan tawn, Innlo tampi relcawk lo a ciam, Biak Inn vialte an ciam dih Rallokap kut in, cu lio ah Pathian rianṭuan tu le Evangelists aa ti mi Thantlang fanau cheuh khat nih Trinity le Oneness kong bia nan I elh salam mi hi, ka khuaruah har bik asi. India Mizo ram tiang nan tuk fawrh hna. Thantlang rawkral nak le tuksapur harsat nak he kan I pehtlai lo, ati mi nan lawh ngai ngai. Pathian minung nan si ko tak tak ahcun: Krifa mi le mipi hremhtu; Biak Inn meiduah tu kha pei sual nan phawt ding asi cu:

Tipil pe tu Johan cu anau nupi a chut tu Herod kha pei ceihngia ati ngam kha. Trinity le Oneness hi vawlei pi ah vawlei Mifimthiam hna nih an rak I elh bal. Aphi an chuak kho lo. An I tei ve ve lo caah, a pahnih in an zumh ve ve mi asi. Vawleipi nih elh awk an ruah mi asi lo. Freedom in Faith, zalon tein zumh khawh asi timi Democracy hi nan I fiang rua lo. Trinity phu nih an mah tein zumh ko hna seh, Oneness phu nih zalon tein zumh ko hna seh, hna hnawh ding an si lo. Keimah ka hman deuh nan ti zungzal ahcun Ralhrang lungput ken nan si. I elh ti hlah uh. Democracy Suttung pakhat asi ve mi Freedom in Religion le Freedom in faith timi kha nan buar I nan zulh khawh lo ahcun: Federal ram he nan I hlat tuk. A pennak le a dinfel nak kha kawl hmasat uhlaw, Zeizong te chap chih nan si lai a ti. Oneness le Trinity hi a rat hmasat ding asi lo.

Kan Pastorte le Tukhal cheuh khat nih bia nan I elh I thiamco nan duh kar ah Innlo zeizat dah a ciamh cang, Biak Inn tampi an ciam cang, Mino le nan Krifa member tampi kan nunnak a liam cang. Trinity le ONENESS nan I elh nak cha cun: MAH te Ralhrang Rallokap tu hi sual phawt deuh uh law, tuan tein ral kan tei deuh hnga tiah agenda ka chuah pi. Siangpahrang le uktu ṭhalo poah cu Profet vialte nih an sik hna, an mual pho hna, rolung an bunh hna. Kan nih cu mah le mah pei ro lung kan I bunh hi, apoi tak tak asi. Raldoh pi tlak CHINMI kan si rua lo.

Vawlei pi level in a ropui I a ṭhat mi BIAKINN kan I ngeih nak tu ah cang hram seh.Crd-Saya Rungkaw