Bawmh hau tiah na ruahmi hna cu chimtam lo te khan va bawm ko hna. Biakinn chungah phozar a herh lo.

Nuhmei ngakṭah santlailo. Nuhmei ngakṭah le santlailo ti hi chimkem tawnmi an si. Dawt ding an si baibal cawnpiaknak a si ti khi kan hmet tein theih pengmi.

Nuhmei le ngakṭah cu auto in santlailo le bawmh hau ah kan chiah hna le kanmah tu cu a bawm khotu ah kan ichia ti khi a ruah awk kan thei lo. Zeitin dah an hmai kan khah hna hnga. Dawtnak kong a lo ko nain zapi lakah hmurka in santlailo kong chim tam hna khi an cungah hmaihngal bia a si cuh, thlanglamh phunkhat zong a si.

Hlan thazaang in lothlawh chan a si ti lo, a bik in ramdang hna ahcun hliah awk hrim a um lo. Kan pawng ah nuhmei le ngakṭah kan tluk lomi hna an tor. Pale nih cawnpiak lomi fa cu ti hna khi kaa long ngai in chim le cawnpiak kan hmang. Pastor fa ko pei rak celh lomi an tam kha. Mah ti cawnpiak a tam tikah an tha kan chiatter hna, an mithmai kan bitter hna.

Bawmh hau tiah na ruahmi hna cu chimtam lo te khan va bawm ko hna. Biakinn chungah phozar a herh lo.

Khuak a zu ngaimi pakhat kha fim cuh nawn neek nawn khin kuak na zuknak kum zeizat a si cang tiah a hal. Kum kul cu si la a ti. A tangka in tuak ahcun mawṭaw ṭha tak na cawk khawh cang hnga a ti. Kuakzu pa nih ai thawh ve le nang kuak na zu maw a ti. Zu hlah tiah a leh. Khoi na mawṭaw ṭha tukmi cu!

Midang kha santlai lo le zaangfak ngai phun ah chiah i khuaruat kho le thilthei phun in kaa long ngai in bia kan chim hlan ah kanmah nih kan tluk set hna maw timi ichek ta peng hau.

Hi bantuk cawnpiak dingah kan pastorte kan evante kan phd pawl a fimmi an isem rih lo hlei ah anmah ko khi a thawktu an si le siaherhnak nganpi he kan chimh hna.Crd.Cung Hu Thang

Be the first to comment

Leave a Reply

Your email address will not be published.


*