Bawipa pekmi nunnak le caan cu man ngei in na hmang maw?

Pathian nih minung a fale a kan pekmi lakah man ngeibik mi cu nunnak hi a si. Cun nunnak cu caan in rel a si. Kum 1 ah ah ni 365 a kan pek. Nazi in 8760 a um i minutes in 525,600 kan ngei. Pathian nih a kan pekmi caan sunglawi hna cu zapi zaraan nih tuaktaan lem lo in daithlang in nun thlorh in kan nung tawn.

Tuni hi kum 1 chungah ni 179 kan hman cang i ni 186 lawng a tang cang. A luan cia mi ni caan hna cu Bawipa caah zeitluk man ngei le sullam ngei in na hman ti cu tuaktan lo awk a tha lo.

Salm caṭialtu pa nih Pathian nih nunnak le caan ṭha hi sullam ngei le man ngei in ka hman thiamnak ding caah Pathian sin ah hitihin thla a cam.

“Kan nunnak hi zeitluk in dah a tawi ti kha kan hngalhter law cuticun kan fim deuh lai. (Salm 90:12)

Kan nunnak ah ni le thla rel thiam hi fim a si tiah Baibal nih a kan cawnpiak. Ni thla rel thiam timi cu Pathian nih nunnak a kan pek i caan ṭha kan ngeihmi hna hi petu Pathin sunparnak caah le sullam ngei tein kan minung hawi lak ah kan hman thiam hi a biapi tuk.

Cucaah Bawipa pekmi na caan sunglawi bik cu Bawipa sunparnak caah le kan minung hawi hna caah ṭhatnak tuannak dingah hman i zuam. Cucu Pathian bia nih ni thla relthiam tiah a timi cu a si.Crd-Danny Bawibikthang