BAWIPA NIH AKAN PHILH BALLOH

Israel Miphun bangin Bawipa nih a umpi mi Miphun kan sinak langhter aduh cang ko rua.. Chinland ah Milu ting 4 in ting 5 kar khua kan sa. Kawlram milu 100% ah khin 1% hmanh kan phan hnga dek maw?? Mah cu Miphun fate ei le din awk hmanh angei huaha lo mi cu dahkaw hehchet an kan duah an kan thah, an kan uk an kan pen , saram bantuk in an kan hman ko cu awh.

Hivialte hi PATHIAN nih Chin Miphun akan umpinak alanghternak dingah lam asialmi ko ka lawhter. Aluancia kum 18 hrawngkhan Ramlengah Refugee in a tulio harsa mi hna Bawmchan te dingin Ramtthat tuklonak rianttuan harsatnak ah Traning akan peek, cu hnu ah ramnuamhnakbik phaisa asanbiknak ram ah akan kuat, rianttha an kan peek, phaisa hmancawkloin thluachuah akan vurh.(note: hlan lio kan sining he cuaithlainak bia asi hih- kan rumrtuk ka tinak asi loh.. ) Delhi le Malaysia harsatnak an kan temtuar ter mi vialte kha atu lio kan ram harsatnak kan hmuhkhawhnak ding caah hmanthlak an rak kan suaipiak mi an rak si ko rua .. Ramrumnak aphan mi Chin mi dihlak nih kan hngalh zungzal dingah an kan tonter mi asi bak lai tizong ka zumh.

Israel pawl nih an ram an kilven khawhnakbik cu Ramdang ah khua asa mi nih an thiamnak, le an chawva kha an kaltak cia mi an ram caah hehchet tiah an pek an chanh hna caah Khitluk ramfa te khi atthawntuknak asi .. PATHIAN nih aumpi timi khi kan mah le kan cawlcanghnak ah aihngat ve.. tizong khi Israel hna Miphun cawlcangh ning zohin theih le hngalh khawh asi. An um sawhloh, an ei sawh loh, an tthu sawhloh.. an kawl an hawl, sifah an in, mah cuvialte an cawlcanghnak chungah PATIAN nih akut tthawnnak alanghter mi asi tizong hi theih herh ngai mi asi fawn.

Tukum ceo in ttan laak hram kan van ithok, cuhmanh ah khiarcaar ngai bu le hraan pah buin Thawhbur zong cu kan van thawh ve ciao cuahmah, Kan van pemh deuhdeuh lai, kan tthawng deuh lai, Chinland cu BAWIPA nih akan chiahpiakmi ram asi bang BAWIPA nih akan duhpiak mi , rualremnak,i upat ihmaizahnak, amah attih mi sinak, dinfelnak, i zawnruahnak vialte thinlungput in kan ram kan van humhim ah cun arauhhlan ah Kawlram chung ah sifaakbik kha arumbik atthawngbik Miphun fate Pathian Kut nih ral kut in ahuh zungzal mi Miphun kan si ko lai…

Tthutsawh caan asi loh ttuan caan asi. Kan ttuan hlan in kan tthut sawh ah cun lohlak nak lawng nih akan chuah hnawh ko la.. Bawi hlan in Bawi phun in um cu Ralkap Rawlchum peng sinak asi..Credit-Hning Tha Ceu

Be the first to comment

Leave a Reply

Your email address will not be published.


*