Bawipa kilvennak le humhimnak cu ngawl lo in hal zungzal ko hna usih.

Bawipa tiah kan chimmi hmanh nih a kan ven ko lai! Thlacam thiam ngai le tampi chim a hau lo a mah Pathian kan i bochannak kha a mah sintu ah kan langhter ahcun Bawipa nih a kan theihpiak dih ko.

Mino tete kan si hna Ralhmun ah voitampi a um kal cangmi zawng kan tam, kan nih chungkhar cu Bawipa sin thlacam kan philh kho lo!

Ka nau le thla ka campi tawn hna ah khin a caan ahcun an zuam lotuk ning ka hmuh ah ka lung dongh le ai puan caan a tam, a caan caan ah tha damnak sii hna an din caan thlacam ding kan ti caan ahcun zeihme thlacam hau zu le sa kan ding ei cang ko mi an ti tawn! Cun Bawipa le kan mah karlak a si ko thlacam hau lo an ti caan hi a tampi, nan ka leh tawnmi hna cu Bawipa sin ah kan nih cu zeibantuk sualnak kan tuah zawngah thla kan cam peng ko hna lai,

kan thlacamnak le mizapi nih thla an kan campiaknak thawng in nihin tiang kan him damnak hi a si tiah ka ti tawn hna, minung sinak in i cua a si lo kan nau le he ralhmun ah kan um chiarte zeitikhmanh ah zaankhat te hmanh hrelh lo in thla kan cam zungzal, cucu Bawipa nih a rak kan theihpiak tihi kan mah lila nih mit hmuh kut tongh in a langh le kan hmuh theih hi a voi a tamtuk cang caah thlacamnak cu hmual a rak ngeituk tikha kan i fiang.

Thlacam timi hi biatampi in chim le Bawipa tiah au lengmang khi a rak si lem rua lo! Bawipa sinah thla kan cam lai tiah thlacam kan i timh i kan thiam lo bu in Bawipa kan i lawm, lam kan hruai tiah kan chimmi vial hmanh kha Bawipa nih thlacam u a kan timi kha a rak si ko.

Mino tete kan si caah zaankhat hmanh hrelh lo thlacam timi hi a harsa ngai ah kan tuah kaa ahcun kan ruah nain a ni caan a hungrauh tik le Bawipa nih kan thlacamnak a kan leh caan voitampi a tak in kan hmuh caah a tu ahcun Bawipa sin thlacam cu kan rian biapibik ah kan hung chiah khawh cang.

A hlei in mizapi kan dihlak thlacam ko rih hna u sih, Thantlang peng Kawlram line vialte Off dih a si cu caah zeitik poh ah cunglei raltuknak a um kho peng rihmi a si, cu caah Bawipa umpi lamhruai kilvennak le Zohkhenhnak cu Mizapi kan caah le CDF/CNA tlangcung hriamtlai kan dih lak caah Bawipa cu bawmhnal rih ko hna usih.Crd. Salai DK