Australia Nih Phungthar Sermi Ah Caan Karlak Aa Dormi Hna Ca Ah Umnak Nawl An Pek Hna Lai
Nihin, February ni 13 thawk in phungthar sermi cu caan karlak visa in Australia ah aa dormi ralzaam ca ah a zungzal um khawhnak nawl an pek hna lai. 2013 hlan Australia ram a phanmi minung 19,000 hrawng nih cu phungthar sermi cu an i ṭawm kho lai. Ralzaam mi hna umnak ngei loin an um hi sullam a um lo tiah Minister of Immigration Andrew Giles nih nihin 2023 February 13 ah a chim.
Ralzaam hna nih an ngah dingmi visa thar ah cun Australia ah a zungzal um khawhnak nawl an ngeih leng ah, sianginn kainak nawl zong pek an si lai. Australia rammi sinak an sok khawh leng ah chungkhat sahlawh zong Australia ah auhnak ca chiah khawh a si lai.
A Central-left Government nih caan karlak runvennak le ramchung i dornak nawl a soktu hna nih visa ca ah zulhphung rak sermi cu hnawh a si lai tiah a luancia kum ah a rak chim nain, kum caan saupi a rau cangmi ramdang mi luhnak nawl upadi cu cozah nih a lungtlinpi tiah Minister of the Interior Clare O’Neil nih a chim. Cun ramchung ah luh le dor aa timmi nih tilam in rat lo ding, cu zulhphung a zul lomi cu ramchung ah umnak nawl pek nan si lai lo tiah ralrinpeknak zong a chim. VOA The Chin Post
Leave a Reply