Thantlang khuami ralzam dirhmun in Mizoram le Lairam ramri ah ai dormi hi kan tam ngaingai ko. Thantlang khua a kangh dih tikah a tuar fak khunmi, mi khua le mi ram ah khuazoh har ngai le mitthmai zoh tein an va um hlei ah thutdir le khuasak a har khun ko.
Global Thantlang min kan vehvat kho rih hna lo, nain bochanmi kan pale nih miphun rian an ttuan pah in an veh pah hna, thazang le ruahchannak te zong an pek khawh hna. An cung ah kan i lawm.
Christmas le Kum thar tenh in Thantlang ralzam an i dornak khua tam ial ah a va phan khomi kan pa Pu Hramh Cung Than Kim (Hrang Lian pa) cung hrimhrim ah lunglawmhnak chim cawk lo kan nei. A khualtlawnnak i a va palmi Thantlang khuami nu le pa, pi le pu, khuami tam taktak a va ton hna.
Sangau, Lungzarh Tum, Lawngtlai, Saiha, Thau le khua dangdang nih Ralzam an rak kan dawt piakmi lunglawmhnak zong khua nu khua pa sinah Global Thantlang Tufa aiawh in a va chim kho. Dam le tluangte Australia a kir lawng si loin hmanthlak, zohtlak le theihtlak tampi a van tar caah kan i lawm tuk.
Hmanthlak hi a zapi si lo, Thantlang Tufa hna nih van zoh cio ulaw, Khua ah kan kirpi zokzok hna lo a si ahcun lung a dai kho hnga maw? Thantlang Operation caah ruahnak le phaisa thazang, thisen i pek kan herh hringhren ko. Crd.Global Thantlang Tufa
Hmanthlak vialte hi Pu Hramh Cung Than Kim ta a si.
Leave a Reply