August Thla thok in Ukraine Kong ah Thlacam lio Bawipa vision a langmi cu a dik zuahmah ko rih.

August Thla thok in Ukraine Kong ah Thlacam lio Bawipa vision a langmi cu  a dik zuahmah ko rih. Bawipa sin lawmh bia chimnak ah ka share than.

Ukrain ralkap an cak. Bawipa nih a kalpi hna ka zumh ko.Russia Ralkap hnu an tolh. Tampi an thi. Ukraine nih Russia Ral hriamnam tamtuk an hrawh . Ralkap Pumh khomh Russia nih a tuah i ramleng ah ral an sungh lio ah Ramchung in minung Ralkap ah dawh ding 400 000 hrawng nih Ralkap ah hramhram in dawh tih ah ram an chuahtak.

Hi nih hin an Ramchung rian tuannak infrastructure le economic tampi a hnorsuan lai ti asi. Mi thiam sang le expert tampi nih ram an chuahtak. Nitlak ram lei in phunzakip sanction an tuah fawn.
Russia Ramchung sandah piaknak ah Ralkap le police riantuannak inn zong mei khangh le duah a tam ngai. Bawipa nih a dongh tiang ukraine dirpi ko selaw Russia cu a hram pelh dih ko seh.

Ukraine minung an thah an hrawh hna ning zoh ah kan ram ah Ralkap kut in Mi thahnak ding hriamnam le kuanfang Tuluk he an kuatmi hi zeizat man ko dah asi hnga.  Kum 70 chung. $billion trillions man asi cang lai.

Nihin ahcun Putin cu China le a fapa North Korea Iran le ram chiahru tete tilo nih cun an thlop tuk lo. Isolate deuh asi ko.  Bawipa nih sawp lak in deng ko hna seh.  Nuclear belte puak ter lo ding Russia kut le an kut temton hram ko seh.

Bawipa vision a tlin cuahmah hmuh hi a nuam. Lawmhnak a khat Ralkap thazaang in asi lai lo. Nangmah thawnnak zong in  asi lai lo. Ka Thlarau tu in asi lai. Zakariah 4:6Zumtu Thlacam rih ko. Lam palh a fawi.Crd-Sui Chin

Be the first to comment

Leave a Reply

Your email address will not be published.


*