Atu hrawngte Mizoram ah a lar ngaimi cu an CM fanu nih siibawi pa a thonghnak kong le a video a si.

Atu hrawngte Mizoram ah a lar ngaimi cu an CM fanu nih siibawi pa a thonghnak kong le a video a si. CM fanu hi appointment lak loin siibawi pa hi a va ton tik ah siibawi pa nih appointment lo cun a zoh duh ve lo. Mah tik ah CM fanu hi a thinhar tuk I a hmai ah a thongh.

Pa pakhat nih a tlaih I a chuahpi. A video zong zoh ding a tampi ko. Mah kongah CM fapa nih social media ah ngaihthiam nak ding ca a thlah. A fapa cu an lawmh ngai/an uar ngai. A farnu hi thinlung lei ah tlawmpal te dam lonak a neimi si pin ah ruah lo piin a tlu sual i a lu a khawng i a pem. Mah a pemmi cu a zualsual lai ti a phan ruangah appointment lak loin siibawi pa hi a tonnak a si a ti. Bawi fanu le fapa an lornak konghi theih pah lengmang a si tawn.Crd-Van Tum

Minung Kan I Dawtnak Voikhat ah Vietnam ral lio ah ralkap pakhat cu khawnh a hmuh caah tlun ai tim a nule pa cu Sanfransisco ah a um. Ralkap pa nih cun a nule pa cu achawnh hna i anu le apa sinah cun ka hawipa karak i tlun pi kho hnga maw a ti hna.

Anule a pa nih rak tlunpi ko anti, nain ka hawipa cu a kutkhat lei le a ke khatlei a kiakmi a si, a ti hna. Cu tikah a nule a pa nih cun nangmah lawng raktlung ko an ti ṭhan. An fapa nih cun a silo, ka dawt tukmi a si keimah he ṭhenawk kan ṭha lo a ti.

Anu le pa nih raktlunpi ko nain kan inn cun kan chia kho lai lo, an ti. An fapa cu a raktlung rua lai tiah an hngah nain a rak tlung tilo. A rauh hlan ah sakhan in thawng an hun thanh hna nan fapa a thimi rak la u tiah. Sakhan an phan an fapa cu a ruak in an hmuh, an khuaruah a har tukmi cu an fapa cu akut le ake a rak kiak. A nule pa nih cun kafa nangmah na si kan rak hngalh lo caah pei a si cu, an ti.

Minung kan i dawtnak hi cu rikhiah a ngei tawn. Crd. Kan sungh tikah khan a kan philh lo, a dawtnak cu zungzal in a hmun. Kan ral hna kut chungin a kan chuah, a dawtnak cu zungzal in a hmun. Minung le saram kha rawl a pek dih hna, a dawtnak cu zungzal in a hmun. Vancung Pathian hi lawm tuah a dawtnak cu zungzal in a hmun (Ps. 136:23-26).

Be the first to comment

Leave a Reply

Your email address will not be published.


*