Atu hrawng Lai news ah ‘Mizapi ralkap’ ti a tam ngai

Mipi Vs Mizapi.Laica le Lai holh ah biafang pakhat sullam pakhat lawng a ngei ding in kan ruah tawn mi hi a poi ngai.

Atu hrawng Lai news ah ‘Mizapi ralkap’ ti a tam ngai. Mipi Ralkap tiah a hmang zong an um nain Mipi timi hi Lai holh a kal ning ah a dik lo tiah an ruah caah a si ttheu lai.

Holh kip ah biafang pakhat i a sullam cu a catlang(context) nih a sullam a danter tawn. Mirang dictionary a zoh balmi lebang nih cun Mirang biafang pakhat nih sullam zeitluk tam a ngeih tawn kan theih cio lai dah.

Mipi timi hi a cheukhat nih ‘mipical, mipipa’ tibantuk i mi lianngan pawl sining langhternak a si an ti. Nain Laica a ttial le a rel pah mi nih cun kan theih cio ttheu lai. A uartu mipi, a zultu mipi, a dirkamhtu mipi tibantuk in mibu caah hman tawn a si i a reltu zong a ttialtu zong nih fian dih cia mi a si. Hihi a dik lo tiah thlen an timh a si hnga maw?

Mipi timi hi Mipical, Mipipa timi he ai lo theng hnga maw? Mipi timi hi kei ka fian daan ahcun Mirang nih fans, supporters, followers timi khi a sawh duh in ka fiang; a uartu mipi, a zultu mipi, a dirkamhtu mipi tibantuk in. Chim duhmi cu Mipi timi biafang hi Mibu pakhatkhat caah hman a si tawn ko ti bia. A va si sual lo hmanh ah chan nih sullam dang a ngeihpi cang mi biafang a si tiin ka pom.

A uartu mizapi Vs A Uartu Mipi
A zultu Mizapi Vs A zultu mipi
A dirkamhtu mizapi Vs A dirkamhtu mipi Zeidah a dik deuh hnga? Zeidek nan i ziak deuh cio?

Lai biafang pakhat sullam pakhat lawng ngeihter kan timh bia a si sual ahcun tthan dawn ah a cang te men lai.Crd-Mang Hram Kung

Be the first to comment

Leave a Reply

Your email address will not be published.


*