Atu dothlennak zongah hmun cheukhat ahcun ( Kawl le tlangcung umtinak khua deuh) tuan lio i Kawl pawl an zia bang Tlangcungmi kha hmai an nawrter ve hna.

Ruahchuk, ruahcho…95.Kawlram ramkhel kongah vuleicung catial minthang Bertil Lintner nih a cauk, Land of Jade: A Journey from India Through Northern Burma to China timi ah hitihin a tial,”Kawl miphun le miphun an rak i do. Cu ahcun Kawl Communist party ( CPB) cu an rak sungh caah “ Wa” tlanglei hrawn in an rak zaam.

Cuti an zaam i Kawl ralkap ( Ne Win chan) nih an dawi i an i tuk lioah Kawlca zong pakhat hmanh a thiam lo i Kawl miphun he ai pehtlai lomi “ Wa” miphun kha Kawl pawl nih cun ( communist) ralphaw ah an hman hna. Raltuk tikah hmai an nawrter hna. Anmah Kawl ( Communist zaammi) pawltu cu hnu ah an i thlai ziar. “ Wa” miphun cu a tomtom in ralhmai an nawrter hna.

”Wa” miphun nih Kawl nih zei an kan tuah tihmanh an hngal lo. CPB ( Kawl communist) caah hriammen kan si tikha an rak i hngal lo i cuticun meithal kuan umnak poah ah anmah hrang, Kawl CPB, thihpiak dingah hmai an rak nawr. Kawl ( CPB) caah pakpalawngmen ah “ Wa” miphun nih cun an nunnak an rak pek,”tiah a tialmi ka relthan.( Atucu an lungfim le ram pakhat cozah silomi ah “ Hriam le Nam” a thawngbik an si. Kawl miphun nih dehcawh khawh lo ding tiangin)

Atu dothlennak zongah hmun cheukhat ahcun ( Kawl le tlangcung umtinak khua deuh) tuan lio i Kawl pawl an zia bang Tlangcungmi kha hmai an nawrter ve hna. Cupawl nih cun NUG kan pehtlaih tiah ca zong an chuah ve. Ahnu ah tlangcungmi cheukhat nih Kawlngian kha an hmun tikah an kirtak hna.

Cucaah kan dothlennnak hi raltukmen siloin ahram a fektuk cangmi Kawlngian zong a pur lawlaw lo ahcun hi dothlennak a dih tikah kan mino hna thisen le nunnak hi pakpalawng men ah ai canglen sual lai maw aw tihna khi ka hei ruatchuk, cho fawn teh. Cureru cuh.Crd.Cn Kam