APoi kho tuk ee.Nihin Malaysia Ah malayholh in (oprasi) an lut than mimung 200 hrawng an tlaih hna ti asi

APoi kho tuk ee.Nihin Malaysia
Ah malayholh in (oprasi) an lut than mimung 200 hrawng an tlaih hna ti asi

Nihin Malaysia dirhmun Belakong kawl le zakhan tamnak hmun Oparation malayholh in (oprasi) an lut than mimung 200 hrawng an tlaih hna ti asi..Pangsar Borong Market zong ah tuzing kan kal lio ah an lut ve an tlaih mi zat kan fiang loh. Kawlchia nih thah le nawn le dawi, Malay le Thailand le india nih แนฌhawl le dawi le tlaih. Crd-Jonh Fambawl Jonh Fambawl

Pathian Hnatlakmi Cu A Nung Ko!1Korin 7:18 Cuarpar aa tan mi nih Pathian auhnak kha a cohlan ahcun, cuarpartannak kha hlawt tim hlah seh;cun cuarpar tan lomi nih a cohlan ahcun cuarpar i tan duh hlah seh.

Laimi nih Keipi a keneh ah a thi, ti kan ngei rua ka ti. Keipi nih a um kha a keneh ah a chiah ta ki theih a si. Keipi cu aidawh ti in rak ruah mi a si ko zong ah ai dawhnak nak in kah i a ruak fim kha laipasal duhnak deuh a rak si. Cucaah Keipi keneh an hmuhnak ah ral an ser i a hmu ahcun darbang an khuai i hlawnbang ah fim. Laipasal min chalnak ah a cang ve.

Paul hi a bia ah a thi ve ti ka duh. Judah mi hna nih an chuahsem nak kong le an i porhlawtpi ngaingaimi Abraham tefa kan si ti a si. Cuarpartannak in an langhter. Baibal ah Pathian nawlpek mi hrimhrim a si (Gen.17). Hi biakamnak hi zungzal hmunmi biakamnak a si lai ti zong Pathian nih a ti. Judah mi hna nih cuarpar an i tan. Ni riatnak ahcun Biakinn ah an chuahpi hna i cuarpar tan a si. Jesuh zong zarh khat a si ah cuarpartan a si (cf. Luka 2:21).

Judahmi nih an sunsakmi le an zulhmi phung kha Paul nih a cung leiah kan ttial bantuk in a chim. Cuarpar tan cia mi caah cun cuarpartannak cu hlawt awk a tha lai lo. An pum ah a lang cang. Thih tiang a tang cang ko lai. Cuarpar tan rih lomi kha Pathian auhnak a cohlan ahcun Cuarpar i tan duh hlah seh, ti hi cu a luan mi a lo.

Minung nih kan cohlan bal rihlo mi cawnpiaknak le zumhnak a thar in cawnpiak le chim a si tik ah hin cohlan a har ngai tawn. A thar mi ruah nak cohlan khawh hi tthancho pakhat zong a si men ko lai. Nain mitampi nih cohlan i zulh lengmang mi ralchan in cawnpiak le zulh cu a harmi a si. Khrihfa zong lamthar zulmi an rak ti hna. Phungbuartu an rak ti hna. An rem hna lonak le hrem an tonnak a ruang cu mah hi a si.

Khrihfabu tuanbia ah Khrihfa le Khrihfa i hremnak le i thahnak hi a leng lei in an rami hremnak nakin a fak deuh i an rak tuar deuh. Martin Luther te hna an rak hrem hna. Baibal ca mirang holh in an lettu Tyndale hna cu October 6,1536 ah tuang ah an tem i chiti an toih i an khangh . Nihin Khrihfabu chung ah zong ah zumhnak ruang ah harnak tuar le hlawtmi um a si ve ko lai. Zumhnak umcia mi he kalh in cawnpaik hi zeitindah min sak a si kha?

Zeibantuk a si hmanh ah Paul cawnpiakmi zong Judahmi nih do hna hmanhseh law Pathian hnatlak mi cawnpiaknak cu a nung ko. Martin Luther cawnpiakmi zong a nung ko. Tyndale Baibal lehmi zong an Print lengmang ko.Bil Hmung

Be the first to comment

Leave a Reply

Your email address will not be published.


*