Apoi kho tuk ee.Haimual khua mei in anduah mi a ah Inn (8) a ciam i Pa pahnih tlaih an tong
Nihin August -14 zaanlei Sml 3:00 hrawng in SAC ralhrang hna nih Haimual khua mei in anduah mi a ah Inn (8) a ciam i Pa pahnih tlaih an tong tiah theih chih a si.Crd-LKZ News
Kan philh hna lo.Thla zeimaw zat a kal cang ko nain atu le tu hmanthlak ka zoh tthan i kan ton hna lio nan mithmai kha ka mithlam ah an cuang tthan i nan awawn kha ka hnathlam ah an thar tthan lengmang. Zeidah nan lawh cio hna ti hal tthan kan duh tuk hna. Kan sualnak le kan palhnak zeihman a um lo ko buin kan inn le kan lo chuah takin vok le ar ca hman ah idornak caah hman awk a tlak lomi hmun ah tirawl chuan khin nak kha ai rem cang deuh cang hnga maw?
Nan ni dornak hmun kha a kal cuahmah mi furpi caan ah zeidah a lawh cio hnga. Nan ihnak hram ah ti a luang ti maw. Nan sia a rem cang lai ti cu ka ruat ngam lo nain nan ni ziak deuh cang hnga maw titu ruat dingin kai thim. Nan lung um bia nan va ruah khawhnak hmun si tthan ka duh tuk.
Mah kut chuak inn le lo a tleihchan tukmi miphun kan si. Zeihman nan caah a tuah kho lo kei nih damnak hnangamnak le deihnak, chunglei lawmhnak nan hmuhnak ding caah thlaza campiak lawng kan bawmh khawh hna. Kan philh hna lo i nan mithmai kha ka hlam tthan lengmang. Ka biakmi Pathian nih nan caah a ttha bikin in dirkam ko hna seh
Hmanthlak Ka tonmi hna lakah kumkhua lei in upa bik lei a si, Hnaring hrawng ka kal um lio Rezua ah an i kap lio caan i India lei dornak hmun a phan ve mi Zotung kan pitar he bia kan ni ruah khawh hnuah kan ni selfie ta.
Kan philh hna lo i ton tthan kan duh dih hna Trip2022 IDP Camp
Crd-Ni Par Hlawnceu
Leave a Reply