Apoi kho tuk e.Thailand ram motor accident nak ah Chin pa pakhat aa tel

Thailand ram ah tanglei in a kal mi motor pakhat aa let i Chin pa pakhat telh in Myanmar ram mi minung pathum an nunnak a liam tiah thawng theih a si.

Atu motor aa let mi chung ah phung ning loin Thailand ram a lut mi (tanglei) Myanmar mi minung 33 an i tel. Motor an i cit mi cu seh lei tlamtlin lo ruang ah lamkam thingkung a pah i minung pali an nunnak a liam.

Hi kong he pehtlai in Chin pa a thimi a chungkhar pakhat nih, “Atu a kan liam takmi kan naupa hi fanu kum khat te a ngei. A ruak hi Myanmar ram lei a chungkhar kan sin ah kirpi khawh dingin kan tawlrel cuahmah,” tiah CCN ah a chim.

Thailand ram motor accident ruang ah a nunnak a liammi pa hi Pa Hu Lian a si i Kalay Peng, Indai khua mi a si.

Hi motor accident nak ah Pa Hu Lian telh in Myanmar ram mi minung pali an nunnak a liam tiah kan theih.Photo/ A nunnak liammi Pa Hu Lian le a nupi fate an si.CCN

Be the first to comment

Leave a Reply

Your email address will not be published.


*