Nizaan cu Pastor Khar nih thla a ka cam piak i lungdai te in zaan khuadei thanghkhat hmanh thangh loin kaa hngilh. Zing 10 lawng ah ka tho. Ka thawh cu ka chatbox ah msg tampi a rak lutmi ka hmuh. Ka nu Robert Nu cakuat cu ka kau hmasa rian kong asi caah. Arpifarual thawi color dang in ka tah ter mi hna i thawi an thawk mi hnanthlak le “A herh tuk ka chon than te law” ti mi text ka hmuh. Zeikodah si cang tiah ka lau pah buin ka chonh. Rian kong cu kan iceih hmasa. Thawi color thlen ka duh ning in ka chimh.
Mahhnu ah “Sayama ka comment na hmu maw?” a ka ti. “Zeihmanh ka zoh rih lo” ka ti. “Khoi ka na tial?” ka ti i “Nan share mi tang ah” a ka ti. “A tamtuk, ka kawlnak ah a dang a herh lo mi ka rel hna lai ka duh lo, screenshot in na tial mi cu ka kua” ka ti i ti hin a ka kuat. “Ka let ti lai lo mah pin khan cun” a ka ti. “Aw let ti duh hlah usih” ka ti.
Hi ca he ka thil chihmi Screenshot ka rel hna i ka lawm tuk. Nihin chunnitlak zong ka lung aa nuam. Ram leng ka um buin pehzulh tein rian kan tuan khawh peng mi hi RB Nu le adang amah bantuk a si mi kan aidii thiamtah hna thawng in a si. Harsatcaan, nuamhcaan ah zumhtlak te in a ka tuarpi a ka hrawmpitu an si. Ka dawt i ka upat tuk fawn hna. Pathian nih a ka pek mi ka second family an si.
“Aw na tial mi a tha tuk. A tling ngai. Hi kong ah zeitin kan pehzulh ah a that lai ti in thla kan cam hna lai. Kan thiamtah vialte zong lungdai te in thla ka campi hna seh” ka ti i phone kan ichonh mi cu kan ngol.
Pathian nih kan tuah hnga ding lam a kan hmuhsak ko lai.
-Aidii
Leave a Reply