Aidii design copy kong ah ka hmuhning ka chim ve ta lai

Aidii design copy kong ah ka hmuhning ka chim ve ta lai. A rel huammi nih duhsah tein rel te uh.

Pawcawmnak rian poah hi a fawi dih timi ngaingai cu a um lem rua lo. Online shopping telhin mah tein dirhmi business ca ko ah hin invest mi a tam deuh lai.

Thiam a hau, caan pek a hau. Thluak, lungthin, chawva thazaang pek a hau. Sungh ngam a hau. Miak hnu belte ahcun hrawmh ding an tlawm deuh ve.

Profit a tlawmmi Aidii bantuk social enterprise pakhat amah tein aa cawm khomi rian dirhmun a phanh khawh nak hnga caah rak invest mi hi a tam chinchin.

Caan vialte pek in, thluak fak in, mitkuh vuai loin, lung sau tein rak vahmi lo, rak thuanmi vawlei, rak tuanmi rawl a si.

Kum tampi harnak an in hnu ah a theipar an zun ka te a si. Riantuantu le thiam tak tampi nih an i hrawmmi theipar, an pawcawmnak a si.

An design an copy piak hna in man tlawm deuh in an zuar mi nih har le fe in an i khuarmi an market an va chuh dih hoi hna. Minung tamtuk an pawcawmnak a hrawh.

Mah kong ah Anna a thin a hun ah le amah tu sual an phawt. An but an but i an hlih chap.
Ka khuaruah a har.“An copy mi naa lawmh ding a si.“Start-up nih cun kan rian hi kan fa bantuk in kan ruahmi an si. Fa le fir piak i a miak i zuar piak ah i lawmh phung si lo. “Vawlei cung brand ngan pipi zong an copy piak ko hna.“

Mah brand a ngan pipi kha cu mipi santlaihnak caah tuahmi social enterprise an si lo. A miak tor a ngahmi business an si. Mah an si zong ah mi thil cu fir piak phung a si lo. “Laithil cu Aidii nih a thawkmi a si lo.“

Si bak hlah, Laithil sunhsak nak caah a um ciami in inspiration lakin design mi an si ko. Thiam ahcun tuah ve, market i kawl ve a ngah ko. “Aidii laithil cu an man pei a fak tuk cu”

Fast fashion caah tuahmi a si lo. Ro thil caah sunhsaknak he caan tampi pek in tahmi an si. Kei zong kaa cawk kho rih lo. Phaisa ka khon lio. “A zai tam” “ An manh pah lo i a si lai”

Aw… Copy thilri a zuartu, a caw tu nih mah vialte tuak bu hin an tuah mi a si lai ti cu ka ruat duh lo.

Economy cu aa tlai dih. Kanmah miaknak caah thil a hmete a si rua kan ti i kan hrawhmi nih khin a dang tam tuk a va hrawh chih timi kan tuak chih ahcun a tha ngai.

Intellectual property e copy rights e ti pawl tiang kan va phanh rih lo hmanh ah a za tawk in zawnruahnak kan ngeih ahcun mah bantuk hi cu tuah lo tha pek ko ah a tha.Crd-Bor Sp Manu Aidii

Be the first to comment

Leave a Reply

Your email address will not be published.


*