Aibur khuahlun Biakinn hmun tthing a si.

Aibur khuahlun Biakinn hmun tthing a si. A tu cu minung kan um ti lo. Kan Laiphung kan biaknak tting in Kharihfa ah kan pa le nih an kan luh pi hnu in a hmasa bik an rak sak mi Biakinn a rak si. Mah hmun ka hmuh pauh ah ka Nu nih mah Biakinn I zingka te ah ka Pa he thla an rak cam tawnmi pawl a rak ka chimhmi ka hna thlam ah a thar in ka theih tthan lengmang.

A hmunhma aa dawh lawng si lo in ka caah sullam a ngeih caah ka phannak ram, khua, hmun pauh i ka umnak inn ah mah hmun a hmanthlak hi ka tar. Thlingthli kung a thlang I hmunrawn khi kan Cerhmun (Soccer Field) tthing a si i, a rak kau ngai nain thing nih a chilh I, a kau in a lang kho ti lo. Lam fa te khi Aibur khuahlun rakluhnak lampi a rak si.

Lautu ram i Hnaring, Fanthen, Sentung, Leikang, Tisen khua pawl, Mara ram i, Lungcuai pi khua , Zophei ram i Khuabung, Leitak khua le a dang hmun dawh dawh a langh nak hmunnuam tuk a si nain, March, 2013 ah thlak mi a si I Marchthla cu chum le meitham aa zam dih caah an va lang kho lo.Crd-Daniel Sakhong

Be the first to comment

Leave a Reply

Your email address will not be published.


*