Vawlei cung minung vialte thinlung le hna, mit cu Russia le Ukaraine ah aa ton dih ko lai tiah ka ruah. Cu lakah USA le NATO ram vialte, cun USA hawikom tampi zong an i tel.
Hi i tuk/ doh nak hi keimah he aa pehtlaih lo, ruah ding le ceih ding zong a si lo, kanmah ram boi lio mi ah hi a biapi deuh tiah ti awk an ttha ti lo mi dirhmun a phan cang tiah ka hmuh.
A ruang cu Russia zong nih ngol aa tim lo bantuk in Ukraine zong nih ngol aa tim ve hlei lo.Cu rualrual in USA le a hawi le vialte zong nih Ukraine sungh ding cu an duh bak ve lo.Cun Russia nih le Nuclear in tlerh khon nak tuah zong a ngol lo bantuk in Nuclear treaty zong a hri a chak. Hriamnam ttih nung ICBM zong tam chinchin ser an i tim.
Cun UN zong nih Russia ralkap vialte Ukraine ram in chuah ding tiah biachahnak an tuah fawn. A dih rih lo. War crime a si tiah an thanh.
Hiti ning tein a kal ko rih a si ahcun aho ram hi dah vutcam ah a can hmasa te hnga ti ka ruat. A voi 3 nak ralpi kong hi vawlei mifim le mi ropui hmur ah a tu le a tu a chuah cang. Atu hi aa thawk cang tiah chim u sihlaw kan palh lai lo dah!
Johan hmuh mi Biathla ahcun hitihin a ttial; Vawlei minung cheuthum cheukhat an thi lai a ti. Cucu keimah zumh ning ahcun vawlei ralpi pa 3 nak hi a si ko lai tiah ka zumh. Ral hi a tam lei poah a chuah ko lai. 2014, 2015, 2016. 2017 tiang ti ko u sih. Vision ka rak hmuh mi cu ka chim lengmang. Ka nolh tthan lai.
Cucu zeidah a si ti ahcun Cenghnia ka rak hmuh. Cu cenghnia ka rak hmuh mi cu a lei achak mi le a mei aa thlai mi pi kha a si.
Cun a sullam cu 1. A rawl a ttam i sa seh dingah a vak mi kha a si. A za ti theih lo hmuh mi poah seh le thah kha a si. 2. Mangttam a si ti kha sullam fiangter ka si. Cucu ka rak chim ton. Cun vawlei cung ah meikhu lawngte a rak ka hmuh ter. Cucu ralmei- khu a si tiah a ka chimh fawm. Cu zong cu ka rak chim cang.Kum 7 a tlin bak in aa thawh thluamah cang i nihin ni tiang aa peh cang.A chuah rih ko lai.Zoh cio te u sih.Kaalawm Crd.Joel Zaathang
Leave a Reply