Adik mi a si lai ma?CDF Zophei nih Biakinn an hrenhnak kum(1) a tling cang.

CDF Zophei nih Biakinn an hrenhnak kum(1) a tling cang. A liam cia November 2021 ah Congthia Baptist Church cu tawh(closed)an rak hrenh piak hna caah plastic thlaam tein an i pumhnak kum(1) a tling cang. Hihi Congthia Texas (USA) ah a ummi Minchim a duh lomi nih a chim ti si.

Catial nak nawl hi pek cu ka si lo nain hibantuk in Biaknak a hnawrsuangmi hi cu kan doh awk a si ka ti caah ka rak tial lengmang.

Tu hnu hmailei zongah ka rak tial lengmang ko lai. Hi bantuk ruangah hin ral zong kan sunghnak a si te kho. Mah ca cun Chinmi poh nih kan theih dih awk a si. Ral kan sungh sual a si ah cun Mah Ruangah hin a si ti phil hlah uh sih.Crd-Alex Tluang

Khi NI Phak Tikah Tinung Ding U Sih.Joel 3:18 Khi can a phak tikah tlang hna cu mitsur dum nih a khuh dih hna lai i Fingkip ah sathil run kha an tlong lulhmah lau. Judah ram vialte caah ti tampi a um lai. BAWIPA biakinn in tiva pakhat a lung lai i Shitim Nelrawn kha ti a pek dih hna lai.

Profet Joel nih ruahchannak a chimmi le Khi can a phak tikah a timi a si. Khi can a timi hi Bawipa cu Zion tlang cung in a rung huk lai tiah a cunglei ah a chimmi kha a si. Bawipa a runghuk ti hi Tukhal pawl nih an theih lengmang mi chendaih a huk he khat in a chimmi a si. Chendaih a runghuk ah cun Tu cungah harnak a phan cang.

Sihmanhsehlaw Joel nih Bawipa Zion tlang cung in a runghuk cu ruahchannal lianpi a chim duhmi kha a si. Bawipa mi hna cu ahcun himnak a si. Pathian nih a mi hna thluachuah a pek hna lai ti ruahchannak a si.

Tuzing ah ak relmi zong hi ruahchannak a pek mi hna a si. Tlang cung ah mitsur dum a khat lai. Mitsur hi Israelmi hna caah a biapi tukmi cin thlak mi a si. Joel kan rel tik ah mitsur hna le lo hna kha Khaubok nih an el dih lai ti bantuk tampi kha a chim. Bawipa ni a phak tik ah mah bantuk khan a si lai. Bawipa nih a umpi tthan hna lai.

Pathian nih thlarau a toih hna lai. Pathian nih thluachauh a pek tthan hna lai. Mirsur dum cu a tlang hna a khuh dih tu a si lai. Fing le tlang cung kip ah satthil run an tlong lulhmalh lai. Sathil zuami caah thluachauhnak a si. Satthil zuami caah ram le ti duhdim tein hmuh khawh cu thluachauh taktak a si. Judah ram vialte ah ti tampi a um lai.

Bawipa biakinn in tiva pakhat a luang lai i Shittim nel rawn kha ti a pek dih lai. Bawipa biakinn in a luangmi tiva cu Ezekiel nih a kan chimh ning ah nunnak ti va a si. Bawipa biakinn in a luangmi ti cu cawnpaiknak ttha le nunnak lam hmuhsaknak a si. Biakinn chung in a luangmi cawnpaiknak cu miphun damnak a si. Miphun sernak a si. Miphun dir kamhnak a si. Miphun fektein dir khawhnak ding hauhruang a si.

Biakinn in a luangmi tiva hi ram damnak caah a herh hriomhrimmi a si. Zumtu kan dihlak nih kan cohlan awk a si. Biakinn in a luangmi ti a nawi sual ahcun mah ti a dingmi cu zaangfak ngai kan si ko lai. Nunnak petu le a carmi Baca nel rawn ah dinawk tinung a si. A carmi shittim nel rawn zong ti a petu a si. Kan nun a rocar tuk ah cun Bawipa biakinn in a luangmi ti nung ding hna u sih.Bil Hmung

Be the first to comment

Leave a Reply

Your email address will not be published.


*