Adik ko rua.Hi hmanthlak ka hmuh in ka lung ah duk tiah a hung chuak mi.

Adik ko rua.Hi hmanthlak ka hmuh in ka lung ah duk tiah a hung chuak mi.Kanmah tein kan buai loh, a kan cawnpiaktu pastors te nih an kan buai ter.” Pathian aw cu kan damnak” tiah hla tha taktak naite ah an sak. “Pathian aw na thei rih lo ahcun sual muihnak ah na um rih” tinak si an ti.

“Pathian aw na theih ahcun sibawi sin ah va kal”ti si . “Pathian aw a thei mi pawng um cu ka ttih tuk” ti si hoi.Asinain keimah pumpak zumhnak cu a zeiti an chim zongah an hnin kho bak rih lo.

An kaa cun Pathian thilti ning le khuaruah ning cu hngalh khawh asi lo an ti nain “Pathian nih a onh, a onh loh” tiah an chim ngam mi tu khi ka khuaruah an har deuh. Bible ca rel lo le hngalh lo zong ka puh te ko hna seh. Kan zatlang nun ah hibantuk bia pawl hi i buaipi bak lo ding.Crd.Siang Cunguk

Angpu Peng Ah Rallam A Sialmi SAC Ralkap Bomb Puahhnawh An Ton Caah 4 An Thi.Ayewaddy ramṭhen, Angpu peng March ni 2 ah SAC ralkap cu PDF an um lai tiin an lunhrinhnak hmun ah rallam an sial i, bomb puahhnawh an ton caah ralkap 4 an thi, tiah theih a si.

Natpati tlang ah rallam a sialmi SAC ralkap hna cu March ni 2 ah bomb in kan puahhnawh hna caah SAC ralkap 4 an thi i hliamhma pumi an tam, tiah PDF nih cathanh an chuah.

March ni 1 lioah SAC ralkap pawl cu Makyipin ah zan an riak i ramlak in rallam an sial lai ti kan hngalh caah bomb kan hmanh. Kan hmanhmi bomb zawn ah an kal i a puah caah SAC ralkap 4 an thi, tiah Sunyeni PDF in ṭuanvo ngeitu nih a chim.

Cu bomb puahhnawhnak ah Sunyeni PDF(Red Falcon PDF) le Angpu peng Pah Kah Phah hna i bawm in kan puahhnawh hna caah SAC ralkap bokhat telh in 4 an thi, tiah Red Falcon PDF nih cathanh an chuah.

March ni 1 ah Makyipinkwin khua ah SAC ralkap leilawng ngan pakhat nih ralkap 23 a phurh hna i a thaizing zanlei cu Angpu peng in mizaw phurhnak leilawng nih ralkap a thimi le aa hliammi a phurh hna, tiah tualchung mi hna nih an chim.The Chin Post