Adik bak.Ram hi farasi bantuk in dawt khawh a si,

Adik bak.Ram hi farasi bantuk in dawt khawh a si, ram daw taktak tu hna nihcun an nunnak dihlak pek huam in an kilven, Tawlh lo puan timi Mizo nih an ngei tawlh lo puan he raltuk talbawh an kal ahcun zeibantuk an dirhmun a chiat zawngah hnu ah an kir a thiang lo.

An nunnak pek in ral an tu tawn, nihin laimi zawng nih tawlh lo lungput kan ngeih a hau! Kan biaknak kan biak inn hna hrawh an sipin ah kan milu le pumtiang kan chinland in Miramdang ah a kan dawi tik ah lungfahnak hi hmurka nih a chimthiam lo. Dawimi dirhmun le thawlmi si hi kan i fahsak lo maw? Kan pu pa hnih thlangtlak hna hi an rak duh le uarmi a si ballo.

Raltu mi kan ralkap rual hi nuamh saih a duh bak ve mi an lungthin nih nuamhnak an hlam caan cingling an si, mihrut timi le ram buai hlan i khua khat cio ah zeirel lomi kha a tu ahcun ramca ah lu hlauh ngam taktak tu an hung si cang. Hmurka le thinlung nih thiltha a thei i a fim ka za ai ti ve mi Pasaltha le Nu Saltha ai timi zapi cu kan chinland chuah tak in Miram dang Mizoram hna ah kan i dor mei ko. Cu lawng hlah Style nawn in Ral a tu mi hna kan hei Post hnawh rih, cu lawng si lo kan um hmun in heh tiah raltukning Buihaa hna kan suai rih. Bantuk ruahnak hi Farasi ruahnak le thinlungput a si.

Ram daw taktak tu cu Fikfa lak ah ral a tumi a sur le linh hriallo in meithal lo he hmanh in ralhmun ah a kalmi hna hi an si.Crd-Salai Dk

Minung timi nih kan herhmi cham baumi cheukhat.Kan mah ruahnak hmuhnak tello midang ruahnak hmuhnak cohlan kan thiam lo!

Midang hmuhnak hlawt in mah ruahnak le tha tining kan i thim theunak hi minung kan si ruang a si.

Minung timi cu mihrut ruahnak le hmuhning kha kan cohlanpiak caan hna a herh phung a si.

Mifim an fim thlu lo mihrut an hrut thlu lo ti pei si kha a poi lai lo timi kan thlau khawh hlan cu mi hrutchin kan sinak zo kan i langh a rak si ziar.

Zeiruang ah harnak kan ton, fahnak ningzahnak kan in timi hi midang lawng kan puh ahcun a si zungzal lai. Kan mah ah kan i pawm khawh ahcun that lei panhnak ah kee kan pen khawh tinak a si.Salai Dk.

Be the first to comment

Leave a Reply

Your email address will not be published.


*