AA ralbawizik Twan Mrat Naing cu nizan November 7 ah kum 44 atling ve cang

AA ralbawizik Twan Mrat Naing cu nizan November 7 ah kum 44 atling ve cang. AA hi 2009 long ah ral an tho i kum 13 long an upa. Cucaah an ralbawipa hi kum 31 long arak si rih hnga tinak asi. Cheukhat ruahnak kum 32 fai minung nih dohtlennak atuahmi CNF hi ruahnak pek len ding asilo tibantuk hi cu cohlan aharko.

Kannih 88 lio ral arak tho cang mi kan CNA/F hruaitu hna zong khi kum 30 hronghrang an rak si ve ko lai dah. An lingcing prime time zong arak um veko. Sihmanhsehlaw zeithil poh hi par caan le awi caan an um theu. Nitla kho lo ruahmi Roman empire pi zong a rak tla ko.

Kan dohthlennak lamthluanpi zong hi thlennawn aherh mi aum cun thlen. Thutdan zong kaltak aherh cun kaltak. Kum note zong lutlai tuanvo lakhotu an um cun pek. Sining hlun kaltak in athar dawi herh cun dawi.. etc etc.

Chimduhmi cu dohthlennak atuahtu hna miroling vialte hna cu minung nih an ipekchanhnak man vialte kan theipiak kho dih hnalo zong ah tuanbia nih atheihpiak peng ko hna lai. Cu te cu minung tahfung nakin asang deuh tuk mi asiko.Chimding ceihding hi an tamko.Crd-Kham Pi

NUG ramdang vuanci ( foreign deputy minister) U Moe Zaw Oo zong 73rd Chin Kumthar, Maryland ah bia a chim ve. A chimmi chung in ”Chin miphun cu thlacam a thawngmi long nan silo, pekchanh a siangmi miphun zong nan si” ati. Kan sitak hnga maw dek?

Laitlang, Tikir cu voi 3 khelte ka phan cang ee ati. Mizoram in a rak rami YMA hruaitu hna zong an cungah lawmhnak bia tampi achim ve. Khua a hngal ngaite kan ti ko lai.

Cun, tutan Chin Kumthar ah Khual Lian sawmmi YMA hruaitu hna bia le hla ngaih tikah Mizoram ah aa va dor chung mi kan Chin unau hna caah hna a ngam deuh ngai ko.

U.S. cozah he zong tonnak a ngei. An sikhawh chung in kan chinmi caah rian ttuantti an itimh kong zong an chim.An chimi tampi chung in, “ Tutan kawlram dohthlennak ruangah Zo hrinthlak (Chinmi vialte) thuk deuh in kan i pehtlaihnak hram a fehter deuhtu asi. Kanmah mizoram ummi vialte nih kan ei din awk a um chung poh cu an ei ding ve lai. Ram cu ramkhat le ramkhat ramri an ngei cio nain unau thisa khat sinak cu ramri a ngei lo” an ti. Hi an biate hi Mizo mipi vialte lungput sihramsehlaw tiah..YMA khual lian hna cu ka zukpi manh ti hna lo.Crd-Kham Pi