AA kong khi a si,AA hi dah ngai Kum zeimaw chung te ah an hung I sersiam le thawng ngai ee, zeitindah an si hnga tiah ka hal

MAH nih hranhram nawlngeih nak a lak hlan, 2020-February thla ahkhan,Hakha Sii-inn piah khin Kachin ram in,chikkhat te dinh can laa in X’mas zong hman pah duh ah a rak tlungmi CNA kan ralkap Bawino pakhat he kan I tong I,can zeimaw chung te khi bia kan I ruah lio ah a chimmi nih khua tampi a hun ka ruahter lenmi thil pakhat a um.

Cucu AA kong khi a si,AA hi dah ngai Kum zeimaw chung te ah an hung I sersiam le thawng ngai ee, zeitindah an si hnga tiah ka hal— a ka lehmi cu Kachin ram ahhin kanmah lawng si loin Tlangcung hriamtlai phu vialte hi kan tling dih ngawt hna,mah chungah AA zong cu an um ve,AA le a dang hriamtlai cu an thawn loawk le an karh loawk hrim a tha lo cu teh, Annih cu ralkap hruai bakin heih an I hruai cu,Rakhaine mino pawl khi AA ralkap tuan dingin Kachin ram a rak phan cang I training zong zeimawzat a tuah I aa lim cangmi hna cu,tlik le zaam than hna aa timmi pawl khi kan mithmuh bakah teng lakin anmah bak nih an kah ko hna,minung 2/3 hrawng an kah hna le an tli/zaam ngam nemmam ti hna lo,zangfah le ngaihthiam zong a um bak lo,kannih Chinmi cu an ra I tlawmpal ah an zam than lengmang hna,Tedim le Tonzang lei kan Unau hna zong khi voikhat ah minung 10/15 te hna an rak ra hna,pakhat pahnih an hun zaam le tlawmpal ahcun an zate in an zaam dih than tawn le KIA pawl hmai zong hi kan khap tawn hna lo ee a ti.

Amah hawipa pakhat nih,ziah hme!! nan I kah ve ko lo le tiah a hun hal I,a lehmi cu—kannih cu cunglei kan pule nih an duh bak lo,Khrihfa kan si thah le nawn tiangtiang cu tuah duh hlah usih,a poi lo mah ti ram dawtnak taktak le intuar khawhnak taktak a ngei ve lomi cu,zei tiawk tha hlah,a hnuah an lung a fian can a um te ko lai,an kan ti le kan I kap lo e,a ti.

Amah nih bia a hun peh chihmi cu, kannih Chinmi cu a tli/zammi hna I kah le I thah cu hun chim lo,khuakhat ah minung mah cu zat training nan rak kai lai kan I ti hna hmanh ah pei, CNF/A nih hranhram le banrawt in,ningcang loin an kan tuahto tiah vulei cungah phozar colh kan si manh kha,a tli/zaammi minung pakhat hoi hna cu hei kap sual citcet tuah usihlaw maw, bomhnak $1 hmanh nan kan pe duh ti hnga lo,tiah a timi nih khua a hun ka ruahter ve len.

A tu ahcun Bawipa nih khua a hun khan ciammam I,hohmanh nih kawh/auh le fial chom hau lo tein mah pumpak biachahnak tuahmi bakin, kan ram le miphun caah nunthapmi hna mino cu an hung tam tuk cang ai ee!!. Crd-Salai Tial Thawng