A tulio kan boruak a rak hmu chung hna bang in,2014,2015 hrawng khan ramleng um Zophei kan pale nih an rak kan hrihhawh I,$$ a tingting dih in cawh hram kan rak thok.

A tang ka hun thilmi lam le sul pi hi,Hakha le Congthia kar lamthluan pi a si,mah lampi hi Zophei,Lautu, Mara Unau hna I bawm in a tu ka hung langhter nak hmun khin si loin”TiTa” zawn khin an rak pemh bal I 1967 ah Hmongtlang khua ah “lam hunnak”an rak tuah cangmi lam a si, cu lio ahcun motor zong a rak lutchuak pah ko tiah kan pale nih an chim.

Asinain,peh zulh in aa remh khawh ti lo caah, cansau pi hman khawh ti lomi a si.

A tulio kan boruak a rak hmu chung hna bang in,2014,2015 hrawng khan ramleng um Zophei kan pale nih an rak kan hrihhawh I,$$ a tingting dih in cawh hram kan rak thok.

Hi lamcawhnak kong ahhin Thantlang Peng kan Unau cheukhat zong nih a rak dohmi an um pah hna,kanmah Zophei chung Lila hmanh ah fak piin I dohkalhnak le I elnak tete zong a rak um len,nain Zophei kan pale a bikin Pu Lian Cin (Congthia) Pu Zapeng Sakhong (Aibur) Pu Thankio Hengcin (Hriphi tleicia) Pu Phu Ling (Hmongtlang tleicia) hna le kan pastor dihlak kan pale min chim lomi vialte hna le Lautu,Mara lei Unau nih zeimawzat bomhnak he lungsau tein an kan nor pi caah, 2019 ahkhan Congthia khua ah sunglawi ngai in hunnak rak tuah khawh a si.

Kum 2021 ralhrang nih hranhram in uknak a lak hnu siseh,ral kan thawh hnu siseh,Thantlang khuapi a kangh hnu in siseh,khika lei Peng nih khin hman bikmi lam ah a hung I chuah cang,tutan Timit kahdohnak zongah mah lam hi rak pem hlah sehlaw fak piin harnak kan tong kho a kan chanh ngaingai ti a lang.

Kan dohthlennak a dih hlan le Thantlang kan lak I kan uk khawh hlan chung paoh cu,kanmah lei caah hman bikmi le zulh cemmi ah a si peng rih ko lai caah,tha deuh zongin remh hau in a hung um te kho ngaimi a si.Crd-Salai Tial Thawng

Be the first to comment

Leave a Reply

Your email address will not be published.


*