Puanzar phen in Hriamtlai dothlennak a dirkamhtu pakhat le a cafung kamtemh
Van แนญhat ah, Kawlram khrihfa mi pakhat nih Nitlak ram minthang sianghleirun pakhat ah chim ding in ningcang tein a timhtuahmi a tu lio dothlennak kong cathluan pakhat ka rel.
Caแนญialtu hi Nitlak ram minthang sianghleirun pakhat in Ph. D a awngmi a si leng ah Kawlram ramkhel tuanbia kong luhlinh in a hlatmi a si fawn.
A tu lio hriamtlai dothlennak kong a แนญial tik ah hin Khrihfa mi hna intuarnak kha aa hmaithlak.
Min Aung Hlaing uknak chuh hnu lawng si lo in Mirang pawl nih Kawl ram an rak chuah taak kum 1948 thok in Kawlram ruru hranghrang ralkap uknak tang i Khrihfa hna, a bik in Kachin, Karen, Karenni le Chin mi hna intuarnak kong kha cherhchan tuanbia cauk hna he a langh ter.
Min Aung Hlaing nih Thantlang khua a ningpi in ti awk in a khanghnak kong, Kachin ram, Karen ram le Karenni ram hna ah raltuknak vanlawng in bom a thlaak i khua mi tamlak te a thah hna i Khrihfa biakinn tampi a khanghnak kong kha cherhchan he a langhter.
Caแนญialtu nih hi ti hin a cathluan cu a donghter:โHi [hriamtlai dothlennak] hi hmai lei tefa hna ca ah le hmai lei Kawlram ca ah thlaici an tuh a si. Al awk แนญha lo in tuanbia nih a kan chimhmi cinken awk cu, zaangenlo dodalnak hi hlawh a cham. Cu caah, Kawlram ah ruru hranghrang uknak a hram bongh ding ah cun a tu hriamtlai dothlennak hi hrial awk a แนญha lomi a si. Kawlram mi hna nih zaangennak hi kan i thimmi a si lo, kan sining nih hrial awk แนญha lo in a kan thim piakmi a si.
(Ruru hranghrang dohnak ah hin nunnak thaap in hriamnam in aa telmi an um bantuk in chawva le ngaihchiah hmang in aa telmi zong an um. Cu pin ah, vawleipi nih theih ding in cafung hmang in a rak i telmi zong an um ve แนญhiam แนญhiam. Dothlengtu hna kan lung aa rual ah cun tuan deuh ah kan tei lai. Kan lung aa rual lo ah cun ca rau deuh lai.
Nikhat khat ah cun caแนญialtu min le a cathluan hi mizapi nih hngalh khawh le rel khawh caan a um te ko lai).A Ruang
18/02/2023
Leave a Reply