A taktak ahcum ralkap tuan hi Pasalthat bia a si lo,

Dothlennak ahcun peknun a biapi
Nunnak hi pek kan si riin pakhat lawng pek kan rak si i cucu nihin tiang i nunnak kan timi cu a si. Valrual hna nih thisen le nunnak pek a herh ahcun kan pek lai lungtho tein timi biakam nak he hriam an tlaihmi hi an nunnak hi an sunhlawih lo le thih an va tih lo tinak hi a si hrimhrim lo dah kaw!

Thih ah thih hnawh phu nun ah nun hnawhphu kan pupa nih a kan roh tami kan ram le kan vawlei kha kil ven le dawt ruang ah khan a herh ahcun kan nunnak cu ciam ko seh an timi a si. Minung ah a ho dah thih a tih lo mi kan um lai.

A taktak ahcum ralkap tuan hi Pasalthat bia a si lo, dawtnak an ngeih ruang le ram kha an chungkhar an daling le nak hmanh in an dawt deuh hna ca ah lu hlauh ngamh in ramtang ah meh lo tihang lo in fikfa cangvat lak ah an cawl an canghnak hi a si cu!

Upatnak kan pek khawh hna lo a si zawngah an thangchiatnak soiselnak bia hna hi cu kan thinlung hrim ah um hlah seh. Soisel thangchiat ding kongcaih ding dang hi vawlei cungah a tam tuk a zeiruang theng ah dah CDF,CNA hi kan thim thengtheng i kan hmur hin an ca ah thluachuak lo mi bia hi kan chuahter tawn ti hi i ruah a zaa tuk cang hih.

Peknak nun a um lo ahcun Dothlennak ah hin i telchim hlah a rim hmanh nam khawh a si lo, a biapi cem cu peknun hi a si ko, mi nih an fanu an fa pa ram ca ah an pek khawh hna ahcun a ziah na fanu na fapa ram ca ah na pek khawh ve lo! Bibile nih a kan cawnpiakmi peknun kha kan thinlung ah a nung lo ti a fiang.

Ram caah peknun ngei hna usih law ram caah nunnak ai pemi hriamtlai hi nihin nitiang kan ca ah kan luatnak hna rian a tuanmi an si timi kha thei peng hna usih. Moses bantuk in Egyp ram in a kan chuahpi tuding an si tiah kan cohlan hnu lawng ah peknun le CDF dawt nak hi kan ngeih khawh ding a si ca ah thinlung ruahnak thar i serthar cio ko usih.Crd-Salai DK

A Hlawh A tlingmi Siangpahrang nih fapa pahnih a ngeih hna, a upat cang caah a rian chaang tu ding thim a duh hna caah a fapa pahnih cun ram lak ah a kal pi hna. Tlangcungah sazuk a hmuh i a fapa upa deuh cu, sazuk khi kap tuah, a ti.

A fapa upa nih cun li le cantiang aa ngiat i a pa nih, zeidah na hmuh?, tiah a hal. Upa pa nih cun, tlangcung thingkung, thingbur le sazuk pakhat ka hmuh a ti, kah a timh ah a pa nih kap rih hlah a ti. Cun a fapa hniang kha a auh i mah sazuk khi kap tuah, a ti ve. A hniangpa nih li le cantiang aa ngiat lio ah a pa nih zeidah na hmuh a ti, a fapa hniang nih cun sazuk a ti. A pa nih kap rih hlah a ti ahcun a rak kah cang. A ruah hlan ah a pa nih cun a rian cu a fapa hniang sinah a pek.

Hlawhtlinnak hi tinhmi a ngei mi caah a si. Tinhmi a ngei veve mi hmanh ah aa tinhmi kha deng teu in a kal hnawhmi le dawnkhan tu pawl kha hna aa hnawhter lo mi hna hi an hlawh a tling tawn. Crd.
Na tuahmi cu a ṭha dih in na ruah ko lai, sihmanhsehlaw Bawipa nih naa tinhnak na lungthin cu a hngalh dih. Na tuahmi vialte cu Bawipa sinah pe law Na khuakhannak cu a tling kho lai (Phungt. 16:2-3).Mah Azi

Be the first to comment

Leave a Reply

Your email address will not be published.


*