A rian in aa dinh ko zong ah zeitik hmanh ah philh lo ding cu; “Pu Ngun San Aung hi,

A rian in aa dinh ko zong ah zeitik hmanh ah philh lo ding cu;
“Pu Ngun San Aung hi, Chin mi 250 thah le nawn kan tonnak, 1000 renglo tlaih le thongthlak kan sinak ah le Innlo 1800 renglo khangh le hrawh piak kan sinak ah siseh, Chin mi 120,000 renglo ralzam kan sinak ah tuanvo ngeitu asi”

A mah nawlpeknak le lairelnak taang ah hi zatzat kan thi, tlaih le thongthlak kan tong i kan khua inn lo a kaang timi kha philh awk a tha lo.Nihin ah aa din cang an ti hmanh ah a tuahsernak, Lainawng a sinak cu philh a si hlei lai lo.Crd-Salai Cung Dawt

Nizaan Bawipa he bia kan iruah!
Vel, vel, Pathian vel, kan sualnak vialte a ngaithiamtu le a thianter khotu vel (KHB 209).

Na sual tuk maw? Sualnak nih na nun an ṭemṭawn tuk maw? Zei tiangdah na sual?

Na sual khawh chung in sual ko. Zeibantuk sualnak paoh va tuah ko. Nunnak na ngeih chungah na huam chung in sualnak phun zakip va kawl ko. Asinain na sualnak vialte nakin ngaithiam khotu, Pathian vel a ngan deuh!

Na sualnak ruang ah nai phuhrung maw?Na tuahmi thil ruang ah ningzak in na um maw?Na sining na zoh ah lungdong in na um maw?Nangmah le nangmah nai zum lo tuk maw? Bawipa nih a ka ngaithiam kho ti lai lo na ti maw?Sualnak chung in ka luat/tei kho lai lo na ti maw?

Hihi philh hlah! Na rak sual ciami, atu na sual liomi, hmailei na sual rih laimi nakin Pathian vel a ngan deuh!

Nifatin hi a ngan tukmi, tah khawh asilomi, Pathian vel nih ngaihthiam ding le thianter dingin a kan hngah zungzal. A vel thawng lawnglawng in kan nung!Crd-James Vanneilian

Be the first to comment

Leave a Reply

Your email address will not be published.


*