A buai tukmi Vawlei cu nang cu na kal taak cang. RIP Kawi Tluang

Sianginn hmai tlangbo bawlungkun pawng nan um lio, na bawlung kan rak chuih tawn le nan inn i kan rak luhchuah tawn kha ka mitthlam ah a cuang. Nih bu le kheh bu in kan rak tlonlennak, a rawk dih cang mi Thantlang khua le a rak sining le kan sianginn le a khan tete zong mitthlam ah an cuang chih. Nifatin sianginn khan pakhat chung i a rak tthu tti balmi, Khar caan ah chunnitlak a rak i lengkai balmi hawikom hna hi vawlei in nan liam thawng theih cu a tuar a har ko. Lung a leng, ngaih a chia, a rawk cangmi Thantlang khua te mitthlam i a cuan chih caah lunglen a faak khun.

A buai tukmi Vawlei cu nang cu na kal taak cang. RIP Kawi Tluang. Crd-Mang Hram Kung

Bawipa Pathian natuahmi thil vialte hi karuah tikah kalung aa phanlo.Arfi le khuadawm le khuari hna nih khin nathilti khawh nak kha an langhter ko.Kakhamhtu Bawi nangmah kan thangthat ko. Zeitluk in dah na lian nganko,..Atu tiang hakha kan himnak le kan fa le an himnak cu Bawipa thawngin asi.

Cu caah kan rian lianbik cu Bawipa sinah lawmhnak bia chim le Bawipa thangthat hi asi ko.Kannu le kanpa hna nih,” Dingthlu lairel nih khuakhang ko seh,”anrak timi hi a sawh sawh asi lo.

A hmaan tak tak mi asi.Bawipa min cu thangthat si koseh. Isrealmi hna sal in anluat nakding cu Bawipa khuakhan mi asi.Pharo nih a mah a teitu ding Hebru miphun chungin a chuak cangti cu a mang in a theih caah hebru ngakchiapa poh poh cu an chuahka in tiva nan fenhter hna lai tiah nawl a chuah.Moses cu Nurse pawl nih thla thum chung an thuh hnu ah phaubawm chungah ansenh i tiva an fenhter ve.

Pharo fanu takholh a kalnak ah phaubawm te cu a hmuh i a mit a hlangtuk caah a salnu kha a lakter. Phaubawm chungah cun ngakchiapa a chuakthiam ngaimi te a hmuh tikah aa lawm tuk i, kafa ah kaa cawmlai ati i, tichungin kalak mi asi tinak caah Moses tiah min a sak.

Moses u nu Mariam nih Bawinu ngakchia cawngtu kawl piak naduh maw? tiah ahal i Bawinu nih kaduhko tiah ati tikahcun Mariam nih Moses nu kha a va auh i annu fa in Bawinu nihcun kum sawmli chung a cawm hna.Phoro a teitu ding a cawm tertu cu Bawipa asi.Bawipa khuanak cu khuaruahhar asi ko.Bawipa cu thangthat siko seh.Crd-Mosestha Cung

Be the first to comment

Leave a Reply

Your email address will not be published.


*